U domie dla elity BSSR u Minsku pradajuć kvateru — tam zachavałasia navat savieckaje bide
Heta piacipakajovaja kvatera pradajecca ŭ domie dla partyjnaj i tvorčaj elity BSSR kala płoščy Pieramohi. U joj zachavałasia aryhinalnaje azdableńnie 1970-ch — parkiet, draŭlanyja dźviery ź vialikimi škłom i navat savieckaje bide, piša Realt.by.
Siamipaviarchovy cahlany dom pabudavali na Vajskovym zavułku, 10 u 1971 hodzie.
U im žyli ŭ tym liku kiraŭniki Viarchoŭnaha savieta BSSR Ivan Palakoŭ i Hieorhij Tarazievič, pieršy sakratar CK KPB Jafrem Sakałoŭ i piśmieńnik Andrej Makajonak. I hety dom adpaviadaje vysokamu stanovišču jaho tahačasnych žycharoŭ: abharodžanaja terytoryja, prastornyja padjezdy, vialikija kvatery ź vializnymi voknami i inšyja rečy, niedastupnyja tady zvyčajnamu žycharu savieckaj šmatpaviarchoŭki.
Niadaŭna na prodaž u hetym domie vystavili piacipakajovuju kvateru płoščaj 164 mietry na čaćviortym paviersie. Płošča kuchni taksama vialikaja dla tych časoŭ — 11 kvadrataŭ.
U kvatery amal niama mebli, ale zatoje možna razhledzieć aryhinalnaje azdableńnie 1970-ch.
U kvatery try bałkony (na roznyja baki) i jak minimum dva sanvuzły. U adnym ź ich možna ŭbačyć navat savieckaje bide — niedastupnuju reč dla bolšaści ludziej u tyja časy.
Na padłozie ŭ kvatery — parkiet. Vokny — amal u šyryniu ściany. Stoli — 2,8 mietra.
Za kvateru prosiać 300 tysiač dalaraŭ (1829 dalaraŭ za mietr).
Ciapier čytajuć
«Heta ryzykoŭna dla Biełarusi». Zialenski zajaviŭ, što Rasija raźmiaščaje abstalavańnie dla naviadzieńnia šachiedaŭ na dachach biełaruskich šmatpaviarchovikaŭ2121
«Heta ryzykoŭna dla Biełarusi». Zialenski zajaviŭ, što Rasija raźmiaščaje abstalavańnie dla naviadzieńnia šachiedaŭ na dachach biełaruskich šmatpaviarchovikaŭ21
«Hienierał Biada vylecieŭ praz bakavoje škło «Čajki». Małaviadomaja avaryja 1976 hoda, u jakoj zahinuli druhi čałaviek u BSSR i bajavy lotčyk-hienierał44
Kamientary