Saudaŭskaja Aravija abviaściła pra najbolšaje za apošnija 26 hadoŭ źnižeńnie aficyjnych cen na ekspartnuju naftu. Dziaržaŭnaja kampanija Saudi Aramco źmienšyć košt asnoŭnaj ekspartnaj marki Arab Light dla žnivieńskich pastavak na 11 dalaraŭ za baral, paviedamlaje The Moscow Times.
Upieršyniu z 2020 hoda saudaŭskaja nafta budzie pradavacca sa źnižkaj 1,5 dalara adnosna rehijanalnych etałonnych cenaŭ. Meta takoha kroku — zrabić pastaŭki bolš pryvabnymi dla kupcoŭ u Azii paśla adnaŭleńnia sudnachodstva praz Armuzski praliŭ.
Źnižeńnie cenaŭ zakranie najbujniejšych imparcioraŭ nafty — Kitaj i Indyju, jakija taksama zastajucca asnoŭnymi kupcami rasijskaj nafty.
Paśla adkryćcia Armuzskaha praliva krainy Piersidskaha zaliva pačali pavialičvać zdabyču. Štodnia praz praliŭ transpartujecca da 12 miljonaŭ baralaŭ nafty, što pavialičyła prapanovu na suśvietnym rynku i ŭzmacniła cisk na ceny.
Na hetym fonie košt nafty Brent z pačatku červienia źniziŭsia prykładna na 22%, a rasijskaja nafta Urals na pačatak lipienia patańnieła prykładna da 40 dalaraŭ za baral. Analityki adznačajuć, što rost zdabyčy krainami APIEK+ pry słabym suśvietnym popycie moža pryvieści da lišku nafty na rynku i dalejšaha źnižeńnia cen.
Ciapier čytajuć
Muzyka, malavańnie i tancy ŭ škołach i himnazijach — usio? Što viadoma pra skaračeńni nastaŭnikaŭ-estetystaŭ6
Muzyka, malavańnie i tancy ŭ škołach i himnazijach — usio? Što viadoma pra skaračeńni nastaŭnikaŭ-estetystaŭ
«Kali b ja byŭ śledčym KDB, ja b padkreśliŭ toje samaje». Fiaduta — pra schavanyja sensy «Kałasoŭ pad siarpom tvaim», uvahu siłavikoŭ da svajho rukapisu i zahadku z treciaj častkaj ramana Karatkieviča1313
Kamientary