Piceryja «Papača Pica» ŭ vioscy Kryvaja Biaroza Smalavickaha rajona, jakaja raniej abviaściła pra zakryćcio, nieŭzabavie znoŭ pačnie pracavać. Pra heta paviedamili ŭ sacyjalnych sietkach ustanovy, zaŭvažyła vydańnie Office Life.
U pačatku červienia na sajcie piceryi źjaviłasia paviedamleńnie, što jana «zakrytaja nazaŭsiody». Tady šef-povar Paała Viene paviedamiŭ, što šukaje inviestaraŭ i partnioraŭ dla adkryćcia novaj piceryi, a ŭ vypadku niaŭdačy płanuje viarnucca ŭ Italiju.
Paźniej uładalnik rastłumačyŭ, što zakryćcio nie było źviazana ni ź finansavymi ciažkaściami, ni ź jakaściu pradukcyi. Pavodle jaho słoŭ, pryčynaj stali siamiejnyja abstaviny i stres.
Ciapier u piceryi paviedamili, što jana praciahnie pracu na raniejšym miescy. Inviestaraŭ dla hetaha nie spatrebiłasia.
Sajt ustanovy ŭžo znoŭ pracuje. Na im raźmieščana paviedamleńnie, što piceryja chutka adnović pracu, adnak dakładnuju datu adkryćcia pakul nie nazyvajuć.
Zakryłasia piceryja, jakuju italjaniec adkryŭ u vioscy Kryvaja Biaroza
Italjaniec zajaŭlaje, što jahonaja pica — najlepšaja ŭ vioscy Kryvaja Biaroza. Čynoŭniki sumniajucca
Piersanalnyja źviestki klijentaŭ «Doda Picy» pajšli ŭ internet
U Biełarusi stali stavić aŭtamaty ź picaj. Jaki tam asartymient?
Hruzin adkryŭ piakarniu ŭ Zasłaŭi. Raniej hatavaŭ chačapury, a ciapier pierajšoŭ na picy
Kamientary