Rekanstrukcyju častki Rakaŭskaha pradmieścia zavieršać užo sioleta
Nabližajecca da finišu rekanstrukcyja byłoj terytoryi chlebazavoda № 1 na vulicy Rakaŭskaj u Minsku. Voś što tam užo adkryta i što płanujecca jašče.
Pra rekanstrukcyju ahienctvu «Minsk-Naviny» paviedamili na pradpryjemstvie «Minskaja spadčyna».
Jak viadoma, jašče ŭ 2015-m było vyrašana vynieści chlebazavod z Rakaŭskaha pradmieścia i pierabudavać terytoryju: zachavać histaryčnyja pabudovy i ŭdychnuć u ich novaje žyćcio. Była raspracavana kancepcyja, jakaja praduhledžvała rekanstrukcyju z restaŭracyjaj piaci abjektaŭ zavoda, jakija znachodziacca ŭ kamunalnaj ułasnaści, a taksama budaŭnictva dziesiaci roznych pa płoščy trochpaviarchovych budynkaŭ, stylizavanych pad histaryčnuju zabudovu pradmieścia. Uźviadzieńnie apošnich finansujuć inviestary, jakija paśla stanoviacca ŭłaśnikami pamiaškańniaŭ.
Padrychtoŭčyja raboty startavali ŭ 2017-m.
«Siońnia z 15 budynkaŭ zabudovy ŭžo ŭviedziena ŭ ekspłuatacyju dzieviać, na piaci viaducca raboty. Pa adnym z abjektaŭ (budynak № 17 pa hienpłanie) u červieni projdzie aŭkcyjon pa pošuku novaha inviestara dla budaŭnictva abjekta», — raspavioŭ dyrektar «Minskaj spadčyny» Alaksandr Kochan.
Jon udakładniŭ, što paśla abnaŭleńnia abo budaŭnictva całkam funkcyjanujuć try abjekty, jakija zdavalisia pieršymi jašče ŭ 2020 hodzie. U vyšynnym vytvorčym korpusie, dzie raniej było schovišča muki, adkryta piakarnia. U susiednim budynku pracuje adukacyjny centr zamiežnych moŭ i jašče adna piakarnia-kafe. Apteka, miedycynski centr i kafe prapisalisia ŭ novym budynku, zbudavanym inviestaram.
U astatnich budynkach iduć ramontnyja raboty albo padrychtoŭka da adkryćcia. Pieršyja i druhija pavierchi zojmuć abjekty handlu, hramadskaha charčavańnia, vystavačnaha, fizkulturna-azdaraŭlenčaha, adukacyjnaha pryznačeńnia; trecija pavierchi — administracyjnyja pamiaškańni, abjekty dla akazańnia pasłuh. Terytoryja kvartała zaprajektavana jak piešachodnaja zona, u centralnaj častcy znachodzicca fiestyvalnaja płošča z podyumam-scenaj. U minułym zimovym siezonie mienavita na joj prachodziŭ kaladny kirmaš u retrastyli.
Usie raboty na terytoryi byłoha chlebazavoda płanujecca zaviaršyć u 2023 hodzie.
Ciapier čytajuć
Načalnik milicyi Brahina stralaŭ u svaju žonku. Jana cudam vyžyła9
Kamientary