Što adbyvajecca ŭ Połackim univiersitecie paśla chvali zatrymańniaŭ
Kiraŭnictva nastojvaje, što Połacki dziaržaŭny ŭniviersitet pracuje «ŭ narmalnym režymie», pakul zahadčyki kafiedraŭ źbirajucca pakidać pasady.
Učora paviedamlałasia, što z univiersiteta zvolnili traich supracoŭnikaŭ.
Administracyja ŭniviersiteta paćvierdziła «Našaj Nivie», što pracoŭnyja adnosiny spynienyja z dacentam kafiedry historyi i turyzmu Viktaram Čaraŭkam dy dacentam kafiedry kanstytucyjnaha prava i dziaržkiravańnia Siarhiejem Hłazyrynym.
Pryčynu ich zvalnieńnia nie nazvali.
Pry hetym u administracyi abviarhajuć infarmacyju ab zvalnieńni kandydata histaryčnych navuk, namieśnika dekana inžynierna-budaŭničaha fakulteta Juryja Kiežy.
Učora BPN paviedamlaŭ taksama, što šeść zahadčykaŭ kafiedraŭ PDU napisali zajavy ab zvalnieńni, kab nie być datyčnymi da palityčnaha pieraśledu kaleh.
Pa infarmacyi «Našaj Nivy», zahadčyki kafiedraŭ napisali zajavy ab pieravodzie na zvyčajnuju vykładčyckuju pracu, va ŭniviersitecie jany zastajucca.
U administracyi tym časam nastojvajuć: va ŭniviersitecie «ŭsio narmalna».
«Studenty zdajuć siesiju, dypłomniki baroniacca, i ŭsie pracujuć u narmalnyja režymie. Ničoha składanaha i surjoznaha niama», — zajaviŭ jaje pradstaŭnik.
Što viadoma pra zvolnienych vykładčykaŭ
Čaraŭka i Hłazyryn byli zatrymanyja razam ź inšymi kalehami 23 maja (tady siłaviki zatrymali blizu paŭtara dziasiatka supracoŭnikaŭ univiersiteta) i abvinavačanyja ŭ «raspaŭsiudzie ekstremisckaj infarmacyi». Čaraŭka adsiedzieŭ pad administracyjnym aryštam 13 dzion, a Hłazyryn — 15 dzion.
Kandydat histaryčnych navuk Viktar Čaraŭka — aŭtar bolš čym 70 navukovych publikacyjaŭ.
Siarhiej Hłazyryn pisaŭ kandydackuju dysiertacyju pa temie «Paŭstańnie 1863 hoda ŭ Viciebskaj i Mahiloŭskaj hubierniach». Abaraniŭ jaje ŭ 2017 hodzie.
Jaho navukovym kiraŭnikom byŭ Ihar Marzaluk. U Hłazyryna bolš čym 20 apublikavanych navukovych rabot.
Chto jašče trapiŭ pad pieraśled
Raniej studenty daznalisia, što zvolnieny vykładčyk fizkultury Siarhiej Rykun.
Paśla zatrymańniaŭ 23 maja pa 10 dzion administracyjnaha aryštu prysudzili vykładčycy kafiedry suśvietnaj litaratury i zamiežnych moŭ Alenie Chramcovaj i dacentu kafiedry hieadezii i hieainfarmacyjnych sistem Halinie Šarahłazavaj.
Ci zastajucca jany va ŭniviersitecie, nieviadoma.
77-hadovuju kandydatku histaryčnych navuk, byłuju zahadčycu kafiedry architektury Halinu Zacharkinu aštrafavali na 2960 rubloŭ.
29 i 30 sakavika zatrymlivali taksama supracoŭnikaŭ Połackaha historyka-kulturnaha zapaviednika.
Siarod ich byłaja dyrektarka Tamara Džumantajeva, navapołackija fatohrafy Kirył Smalakoŭ i Ihar Supranionak, kandydat fiłasofskich navuk, supracoŭnik Muzieja knihadrukavańnia ŭ Połacku Ihar Bortnik.
Masavyja palityčnyja represii ŭ Biełarusi praciahvajucca paśla vybaraŭ 2020 hoda. Za hety čas u krainie adbyłosia kala 50 tysiač palityčna matyvavanych zatrymańniaŭ, zaviedzienyja kala 12 tysiač palityčna-kryminalnych spraŭ i adkinutyja bazavyja normy zakonnaści i marali.
«Naša Niva» — bastyjon biełaruščyny
PADTRYMAĆHladzicie taksama:
U Połacku zatrymali ŭnijackaha śviatara i 77-hadovuju žančynu
Aleh Trusaŭ: Nastupny prezident Biełarusi budzie biełaruskamoŭnym, ja ŭ hetym nie sumniavajusia
Kamientary
Vypołnienije etoj zadači vozmožno tolko tohda, kohda biełorusy stanut ṕjanymi i durnymi, dla etoho i uničtožajetsia učitielstvo, profiessura i vrači, inačie, biełorusy, ostanuťsia biełorusami.