Stołtenbierh pra raźmiaščeńnie jadziernaj zbroi ŭ Biełarusi: NATA bačyć padrychtoŭku
NATA surjozna ŭsprymaje abjaŭleńnie Rasijaj płanaŭ raźmiaščeńnia svajho jadziernaha arsienała na terytoryi Biełarusi, zajaviŭ hienieralny sakratar aljansu Jens Stołtenbierh na pres-kanfierencyi ŭ Brusieli 16 červienia.
«My bačyli peŭnuju padrychtoŭku», — skazaŭ jon, admoviŭšysia, adnak, raspavieści padrabiaznaści pra źviestki, zdabytyja raźviedkaj.
Paŭnočnaatłantyčny aljans budzie pilna nazirać za dziejańniami Rasii, paabiacaŭ jahony kiraŭnik.
«My budziem pilnyja i prymiem nieabchodnyja miery», — skazaŭ Stołtenbierh, dadaŭšy, što hetaja tema abmiarkoŭvałasia 16 červienia na pasiadžeńni Hrupy jadziernaha płanavańnia NATA.
Pry hetym hienieralny sakratar arhanizacyi padkreśliŭ, što da hetaha času NATA nie bačyła nijakich źmien u jadziernaj pazicyi Rasii, «jakija patrabavali b jakich-niebudź źmien» va ŭłasnaj jadziernaj pazicyi Paŭnočnaatłantyčnaha aljansu.
«Heta častka jadziernaj rytoryki, jakuju my nazirajem užo niekatory čas, — nahadaŭ jon. — My ŭžo niekalki hadoŭ nazirajem, jak Rasija madernizuje i raźmiaščaje jadziernuju zbroju pablizu miežaŭ NATA — na Krajniaj Poŭnačy, a ciapier upieršyniu — u Biełarusi».
Stołtenbierh rastłumačyŭ, što NATA adaptujecca da hetych realij užo šmat hadoŭ, pavyšajučy hatoŭnaść svaich vojskaŭ, pašyrajučy prysutnaść na ŭschodnim fłanhu, palapšajučy nazirańnie: «Usio heta jość adkazam na sistematyčnaje naroščvańnie rasijskaj vajskovaj mocy».
16 červienia prezident Rasii Uładzimir Pucin paviedamiŭ pra dastaŭku ŭ Biełaruś pieršych jadziernych zaradaŭ, zajaviŭšy pra metu pieranieści na našu terytoryju častku rasijskaha taktyčnaha jadziernaha arsienała da kanca 2023 hoda.
Dziarždep pra jadziernuju zbroju RF u Biełarusi: Łukašenka addaje Kramlu ŭsio bolš kantrolu
«Nu što tut za prablema ŭzhadnić naniasieńnie niejkaha tam udaru?» Łukašenka raskazaŭ rasijskaj prapahandystcy pra jadziernuju zbroju
Litva i Polšča zaklikali NATA adkazać na raźmiaščeńnie rasijskaj jadziernaj zbroi ŭ Biełarusi
«U mianie na stale piać hadoŭ lažała papiera ź pieradačaj prava apieki nad synam». Volha Sieviaryniec — pra hady strachu, antydepresanty i nadzieju1212
Kamientary