U Homieli buduć sudzić žurnalistku za supracoŭnictva z «Viasnoj» i «Biełsatam»
Prakuratura pieradała ŭ Homielski abłasny sud kryminalnuju spravu suprać 50-hadovaj žycharki Homiela, jakuju abvinavačvajuć u «sadziejničańni ekstremizmu» i «dyskredytacyi Biełarusi». Jana nibyta pierasyłała infarmacyju pravaabarončamu centru «Viasna» i niezaležnamu telekanału «Biełsat», jak paviedamlaje viedamstva.
Pavodle viersii prakuratury, hamialčanka sa žniŭnia 2020 hoda da śniežnia 2022 hoda vykładvała ŭ siecivie, «u tym liku na destruktyŭnych resursach, infarmacyjnyja materyjały z zahadzia łžyvymi źviestkami, jakija dyskredytavali Respubliku Biełaruś».
Taksama jana nibyta «ažyćciaŭlała zbor, stvareńnie, apracoŭku, zachoŭvańnie i pieradaču aŭdyja-, videa-, fota— i tekstavaj infarmacyi dla dalejšaha vykarystańnia ŭ metach zabieśpiačeńnia ekstremisckaj dziejnaści infarmacyjnaha resursu «Viasna» i ekstremisckaha farmavańnia «Biełsat».
Žančynie vystavili abvinavačvańni pavodle art. 369-1 KK («Dyskredytacyja Respubliki Biełaruś») i č. 1 i č. 2 art. 361-4 KK («Sadziejničańnie ekstremisckaj dziejnaści»). Joj pahražaje pazbaŭleńnie voli da siami hadoŭ.
Imia i proźvišča abvinavačanaj u paviedamleńni nie nazyvajucca. Imavierna, havorka idzie pra eks-žurnalistku Łarysu Ščyrakovu, jakuju zatrymali ŭ Homieli ŭ śniežni 2022 hoda, jak vykazvaje mierkavańnie «Lusterka».
Tady ž stała viadoma, što ŭ dačynieńni da jaje raspačali kryminalnuju spravu pa artykule ab dyskredytacyi Biełarusi (art. 369-1 KK).
Ščyrakova — viadomaja ŭ Homieli žurnalistka. Da 2021 hoda jana supracoŭničała z šeraham niezaležnych vydańniaŭ. Zdymała dakumientalnyja filmy, viała svoj prajekt ušanavańnia pamiaci represavanych «Zabityja i zabytyja».
Z adukacyi Ščyrakova — vykładčyca anhlijskaj movy. Raniej jana kiravała krajaznaŭčaj arhanizacyjaj «Tałaka» (likvidavanaja ŭładami). U apošnija miesiacy eks-žurnalistka zajmałasia etnafotasiesijami — fatahrafavała ludziej u biełaruskich nacyjanalnych kaściumach. U hetym hodzie jana taksama pastupiła na fakultet psichałohii.
Niahledziačy na pahrozy, Łarysa Ščyrakova pryncypova zastavałasia ŭ Biełarusi. Paśla aryštu jaje syna-padletka zabrali ŭ prytułak, adkul viarnuć Śviatasłava zdoleŭ muž, što pryjechaŭ ź Sibiry.
Ździełka Trampa z Pucinym: čym za jaje mohuć zapłacić Ukraina i Biełaruś19
Ździełka Trampa z Pucinym: čym za jaje mohuć zapłacić Ukraina i Biełaruś
Rasijski repier Jahor Kryd źniaŭsia ŭ majcy z vyjavaj hieroja filma «Idzi i hladzi», jakomu damalavali pirsinh i tatuiroŭki. Cišotku vypuścili krama biełaruski77
Rasijski repier Jahor Kryd źniaŭsia ŭ majcy z vyjavaj hieroja filma «Idzi i hladzi», jakomu damalavali pirsinh i tatuiroŭki. Cišotku vypuścili krama biełaruski7
«Zaprasiŭ mianie na spatkańnie i pryjechaŭ na jaho z pakietam pamidoraŭ zamiest kvietak». Što ŭspaminajuć pra Jana Pamiedora Reuckaha, admina šmattysiačnaj supołki biełarusaŭ Polščy77
Kamientary