Hubiernatar zaklikaŭ admovicca ad pajezdak u centr Rastova-na-Donie

Hubiernatar Rastoŭskaj vobłaści Vasil Hołubieŭ zaklikaŭ žycharoŭ admovicca ad pajezdak u centr Rastova-na-Donie, piša RBK.

«Pavažanyja ziemlaki! U suviazi ź situacyjaj, jakaja skłałasia, prašu ŭstrymacca ad pajezdak u centr horada i pa mahčymaści nie pakidać svaje damy», — napisaŭ jon u telehram-kanale.

Raniej kiraŭnik rehijona zaklikaŭ usich hramadzian zachoŭvać spakoj i nie vychodzić z domu bieź nieabchodnaści. Jon zapeŭniŭ, što pravaachoŭnyja orhany «robiać usio nieabchodnaje, kab harantavać biaśpieku» ŭ rehijonie.

U rehijanalnym MNS papiaredzili ab raspaŭsiudzie ŭ telehram-kanałach infarmacyi ab uviadzieńni kamiendanckaj hadziny. Hetyja paviedamleńni — fejk, jak zajavili ŭ viedamstvie.

U Rastovie-na-Donie, dzie znachodzicca štab Paŭdniovaj vajskovaj akruhi, paśla zajaŭ zasnavalnika PVK «Vahnier» Jaŭhiena Pryhožyna byli ŭzmocnienyja zachady biaśpieki. Vydańnie «161.ru» apublikavała zdymki z vajskovaj technikaj i technikaj Rashvardyi. TASS i «161.ru» pisali ab pierakryćci vyjezdu z horada na trasie «Don».

Ułady Varoniežskaj vobłaści zajavili ab pieramiaščeńni kałony vajskovaj techniki pa trasie M-4 i paprasili hramadzian nie karystacca hetaj darohaj.

Uviečary 23 červienia Pryhožyn abvinavaciŭ rasijskich vajskoŭcaŭ u abstrele łahiera PVK, u vyniku jakoha «zahinuła vielizarnaja kolkaść bajcoŭ», i paabiacaŭ adkaz.

U Minabarony słovy zasnavalnika pryvatnaj vajennaj kampanii abvierhli, nazvaŭšy ich pravakacyjaj. «Rasijskija vajskoŭcy praciahvajuć vykanańnie zadač na linii sudakranańnia z USU ŭ zonie praviadzieńnia «śpiecyjalnaj vajennaj apieracyi», — zajavili va ŭstanovie. Paźniej tam paviedamili, što Kijeŭ zasiarodziŭ siły na Bachmuckim taktyčnym kirunku, «skarystaŭšysia pravakacyjaj Pryhožyna pa dezarhanizacyi abstanoŭki».

FSB raspačała suprać Pryhožyna kryminalnuju spravu pavodle art. 279 KK «u suviazi z faktam arhanizacyi ŭzbrojenaha buntu».

U raspaŭsiudžanaj pres-słužbaj zajavie biznesoŭca paviedamlałasia, što heta «nie vajskovy pieravarot, a marš spraviadlivaści».

Śpiecsłužba paličyła heta «ŭdaram u śpinu vajskoŭcam» i «zaklikała bajcoŭ PVK» nie dapuskać niepapraŭnaj pamyłki, spynić lubyja siłavyja dziejańni suprać rasijskaha naroda, nie vykonvać złačynnych i zdradlivych zahadaŭ»,

a taksama zatrymać Pryhožyna.

Źviarnuŭsia da vahnieraŭcaŭ i namieśnik kamandujučaha Abjadnanaj hrupoŭkaj vojskaŭ va Ukrainie hienierał armii Siarhiej Suravikin.

«My razam z vami vajavali, išli na ryzyku, nieśli straty, razam pieramahali. My adnoj kryvi. My vajary. Ja zaklikaju spynicca. Praciŭnik tolki i čakaje, kali ŭ nas abvostrycca ŭnutrypalityčnaja abstanoŭka. Nielha hulać na ruku praciŭniku ŭ hety ciažki dla krainy čas», — adznačyŭ hienierał.

U Kramli zajavili, što prezidentu Uładzimiru Pucinu dałažyli ab situacyi.

• 0
• 0
• 5
• 0
• 0
• 1
• 0
• 0