Japonija ŭ 20 razoŭ pavysiła zbory dla zamiežnikaŭ, jakija chočuć atrymać DNŽ
U lipieni Japonija ŭ piać razoŭ pavysiła vizavyja zbory dla ŭsich zamiežnikaŭ — upieršyniu za 50 hadoŭ.
Japonija pavysiła zbory dla zamiežnikaŭ, jakija chočuć žyć u krainie: košt afarmleńnia pastajannaha dazvołu na žycharstva vyras u 20 razoŭ — da 200 000 jen (1 270 dalaraŭ, abo 3800 biełaruskich rubloŭ), piša Bi-bi-si.
Zaraz tyja, chto pretenduje na pastajannaje pražyvańnie, taksama pavinny adpaviadać novym patrabavańniam adnosna dachodu, piensijnych adličeńniaŭ i viedańnia japonskaj movy.
U pačatku hetaha tydnia kala imihracyjnych adździaleńniaŭ utvarylisia doŭhija čerhi: zajaŭniki imknulisia paśpieć padać dakumienty da pavyšeńnia zboraŭ. Hałoŭnaje imihracyjnaje biuro Tokia paviedamlała pra čas čakańnia bolš za siem hadzin.
Pavyšeńnie zboraŭ — častka šerahu źmianieńniaŭ u imihracyjnaj palitycy Japonii pry premjer-ministarcy Sanae Takaici. Jany nakiravanyja na kiravańnie imkliva rastučaj kolkaściu zamiežnikaŭ u krainie.
U lipieni Japonija ŭ piać razoŭ pavysiła vizavyja zbory dla ŭsich zamiežnikaŭ — upieršyniu za 50 hadoŭ. Ułady zajavili, što heta nieabchodna, kab «urachoŭvać inflacyju i vahańni abmiennaha kursu».
Niahledziačy na toje, što imihracyja zastajecca palityčna adčuvalnym pytańniem, a japonskaja imihracyjnaja palityka — davoli abmiežavalnaj, stareńnie nasielnictva krainy prymušaje jaje ŭsio bolš spadziavacca na zamiežnych rabotnikaŭ dla likvidacyi deficytu pracoŭnaj siły.
Kolkaść zamiežnych rezidentaŭ u Japonii na kaniec 2025 hoda pieravysiła 4,12 miljona, što stała rekordam i aznačaje rost na 9,5% u paraŭnańni z papiarednim hodam. Adnak heta pryviało i da rostu tryvohi ŭ hramadstvie z nahody imihracyi i sacyjalnych źmienaŭ.
Takaici zrabiła pytańnie kiravańnia imihracyjaj adnym sa svaich klučavych pryjarytetaŭ paśla ŭstupleńnia na pasadu ŭ kastryčniku minułaha hoda.
Ciapier čytajuć
Stalinista-jabaćku z Homiela zatrymali paśla taho, jak jon zaprasiŭ Łukašenku na hvałtoŭnaje zakryćcio svajho treciaha kafe19
Kamientary