Usiaho patrochu77

Delfiny taksama siusiukajuć pry razmovie sa svaimi małymi

Navukoŭcy daśledavali movu delfinaŭ-afalinaŭ i pryjšli da vysnovy, što dla razmovy sa svaimi dzicianiatami jany vykarystoŭvajuć inšyja huki.

dolphins delfiny dielfiny
Delfiny taksama, jak i ludzi, siusiukajucca sa svaimi dziećmi. Fota: Getty Images 

Asablivy «maciarynski» patern (Motherese) prysutničaje ŭ roznych kulturach pry maŭleńni. Ludzi zvyčajna mianiajuć svajo maŭleńnie pry razmovie z niemaŭlatami takim čynam, kab pryciahnuć ich uvahu, uzmacnić emacyjnuju prychilnaść, dapamahčy malečy zasvoić movu.

Takoje maŭleńnie maje nie tolki kamunikatyŭnuju i dydaktyčnuju funkcyi, ale i dapamahaje sacyjalizavacca. Ale dokazaŭ isnavańnia padobnaha maŭlenčaha šabłonu siarod žyvioł niašmat.

Mižnarodnaja hrupa navukoŭcaŭ niadaŭna apublikavała ŭ časopisie Proceedings of the US National Academy of Sciences (PNAS) vyniki svajho daśledavańnia movy delfinaŭ-afalinaŭ (Tursiops truncatus).

Hety vid delfinaŭ vyznačajecca doŭhaterminovaj suviaźziu pamiž maci i patomstvam. Dzicianiaty afalinaŭ zastajucca pobač z maci ad troch da šaści hadoŭ.

Navukoŭcy daŭno zaŭvažyli, što ciaham pieršych niekalkich miesiacaŭ žyćcia kožnaja afalina vypracoŭvaje svaju ŭnikalnuju miełodyju (charakterny śvist), padobny da imia. Delfiny vykrykvajuć svaje «imiony» ŭ vadzie, chutčej za ŭsio, dla taho, kab sačyć adzin za adnym.

Ličycca, što «słoŭnikavy zapas» delfinaŭ naličvaje da 14 tysiač hukavych sihnałaŭ.

Dla svajho daśledavańnia vučonyja abrali dzikuju papulacyju delfinaŭ u zalivie Sarasota na zachodnim uźbiarežžy amierykanskaha štata Fłaryda.

Daśledčyki praanalizavali charakternyja śvistki 19 samak delfinaŭ u situacyjach, kali jany znachodzilisia sa svaimi dzicianiatami, tak i bieź ich. Audyjazapisy byli atrymanyja padčas acenki stanu zdaroŭja hetych žyvioł pa schiemie «złaviŭ — adpuści», što pravodziłasia z 1984 pa 2018 hod.

Analiz pakazaŭ, što samki ŭtvarali charakterny śvist sa značna bolš vysokimi maksimalnymi častotami i bolš šyrokim častotnym dyjapazonam, kali jany znachodzilisia sa svaim patomstvam.

Navukoŭcy adznačajuć, što takija adroźnieńni ŭ movie afalinaŭ vielmi padobnyja da źmien u maŭleńni ludziej. Pry razmovie sa svaim dziciem maci taksama vykarystoŭvajuć huki z bolš vysokimi častotami i bolš šyrokim dyjapazonam vyšyni tonu.

Dla paćviardžeńnia atrymanych vynikaŭ vučonyja źbirajucca pravieści analiz charakternaha śvistu delfinaŭ u bolš naturalnych umovach, u asiarodździ, dzie delfiny svabodna płavajuć.

Čytajcie jašče:

Za paŭstahodździa ŭ śviecie stała na 69% mienš dzikich žyvioł

U minskim delfinaryi padčas pradstaŭleńnia delfin vyskačyŭ z basiejna VIDEA

Raśliny mohuć havaryć

Kamientary7

  • usie my rodam ź ziamli
    03.07.2023
    Žvir, dy ładna ) 
  • Žvir
    03.07.2023
    Va ŭłońni maci, da naradžeńnia, budučaje dzicia, na peŭnych etapach svajho raźvićcia, maje roznyja "pryłady", ułaścivyja abitalnikam akijanaŭ. Heta fakt. Ludzi niekali byli žycharami vodnych prastoraŭ. Mažliva, što delfiny navat pamiatajuć nas z taho času, tamu j pryjaznaść da ludziej majuć, jak da svajakoŭ...
  • chamsa ŭ ta-maci
    03.07.2023
    a ja nie siusiukała. nazyvała rečy svaimi imionami. i nie razumieła, čujučy ad inšych mam, navošta hetaje "lala" i t.p.

Ciapier čytajuć

«Patraciła 300 rubloŭ — a jašče tolki siaredzina červienia!» Biełarusy abmiarkoŭvajuć vydatki na pakos travy i dzielacca łajfchakami4

«Patraciła 300 rubloŭ — a jašče tolki siaredzina červienia!» Biełarusy abmiarkoŭvajuć vydatki na pakos travy i dzielacca łajfchakami

Usie naviny →
Usie naviny

Susiedzi zrabili kuchniu ŭ łodžyi, i ciapier u susiedziaŭ čuvać zvon posudu

«Abzvońvajem dziaciej, unukaŭ». Čynoŭniki z ruletkami pajšli praviarać vyšyniu travy na ŭčastkach biełarusaŭ20

Maładziečancy ciaham troch dzion nazirali za maładoj kačkaj, jakaja zvaliłasia ŭ kałodziež fantana ŭ parku1

U Biełarusi zaŭvažyli fłaminha?

Stała viadoma, chto źjaŭlajecca chedłajnieram Schodu nieabyjakavych — mierapryjemstva apanientaŭ Cichanoŭskaj22

Namieśnika načalnika biełčyhunki Dułuba buduć sudzić pa dvuch artykułach. Jaho zatrymali za chabar, a doma znajšli jašče $3 młn

«Tufli — 400 rubloŭ». Vypuskniki dzielacca, u kolki abyšlisia ich vobrazy13

Biełarusaŭ z ženieŭskimi pašpartami nie puścili ŭ Varšavie na samalot u Małdovu7

Šviedskaje telebačańnie atrymała zdymki, jakija pakazvajuć raźvićcio jadziernaj bazy ŭ Asipovičach i ŭ Kalininhradzie5

bolš čytanych navin
bolš łajkanych navin

«Patraciła 300 rubloŭ — a jašče tolki siaredzina červienia!» Biełarusy abmiarkoŭvajuć vydatki na pakos travy i dzielacca łajfchakami4

«Patraciła 300 rubloŭ — a jašče tolki siaredzina červienia!» Biełarusy abmiarkoŭvajuć vydatki na pakos travy i dzielacca łajfchakami

Hałoŭnaje
Usie naviny →

Zaŭvaha:

 

 

 

 

Zakryć Paviedamić