Biełaruskamu kubincu Rabierta Valdesu Kasanueva nie dali status uciekača ŭ Litvie. Ciapier jamu patrebnaja naša dapamoha
Kubiniec Rabierta Valdes Kasanueva, jaki 30 hadoŭ pražyŭ u Biełarusi, a ŭ 2020 hodzie aktyŭna padtrymaŭ našy pratesty, nie zmoh atrymać status uciekača ŭ Litvie. Ni ŭ Biełaruś, ni na Kubu pa zrazumiełych pryčynach jon viarnucca nie moža, tamu choča zmahacca za svaje pravy, ale biez dapamohi jamu budzie ciažka.
Historyja Rabierta Valdesa Kasanueva paru hadoŭ tamu była dastatkova hučnaja, pra jaje šmat pisali miedyja.
Rabierta zatrymali 8 listapada 2020 hoda padčas adnaho z pratesnych maršaŭ, a potym bolš za hod trymali na Akreścina ŭ čakańni departacyi ŭ žachlivych umovach.
Na histaryčnaj radzimie, na Kubie, Kasanueva taksama moža pahražać niebiaśpieka, bo jon nieadnarazova krytyčna publična vykazvaŭsia pra toje, što tam adbyvajecca. Tamu da apošniaha jon choča zmahacca za svajo prava zastacca ŭ Jeŭropie.
«Vielizarnaja pieravaha demakratyi, a Litva, biezumoŭna, demakratyja, u tym, što ty možaš asprečyć rašeńnie dziaržavy ŭ sudzie i dakazać, što ty maješ racyju. Ja ŭpeŭnieny ŭ tym, što heta jakraz toj vypadak. Rabierta prosić usich nieabyjakavych dapamahčy jamu sabrać srodki na imihracyjnaha advakata, kab padać apielacyju i atrymać mahčymaść zastacca ŭ Litvie», — napisaŭ u fejsbuku kiraŭnik fondu «Bajsoł» Andrej Stryžak.
Padtrymać Rabierta na BYSOL možna tut. Pałova ad nieabchodnych 1900 jeŭra, darečy, užo sabranaja.
Čytajcie taksama:
Departavany ź Biełarusi kubiniec dabraŭsia da Litvy
Kubincu, jaki ŭdzielničaŭ u pratestach, pahražaje departacyja ź Biełarusi i turma na radzimie
Kamientary