Bajden: Kab razhledzieć zajaŭku Ukrainy ŭ NATA, pavinna skončycca vajna
Prezident ZŠA Džo Bajden u intervju CNN zajaviŭ, što pierš čym NATO zmoža razhledzieć pytańnie ab pryniaćci Kijeva ŭ svaje šerahi, pavinna skončycca vajna Rasii va Ukrainie.
«Ja nie dumaju, što ŭ NATO jość adnadušnaść z nahody taho, ci prymać albo nie prymać Ukrainu ŭ siamju NATO ciapier, u hety momant, u razhar vajny», — adznačyŭ Bajden.
Bajden skazaŭ, što jon padrabiazna pahavaryŭ ź Zialenskim i skazaŭ ukrainskamu prezidentu, što ZŠA buduć praciahvać zabiaśpiečvać biaśpieku i ŭzbrajeńnie dla Ukrainy, jak jany heta robiać dla Izraila, pakul idzie praces.
«Ja dumaju, my pavinny namiecić racyjanalny šlach dla Ukrainy, kab jana mahła pretendavać na ŭstupleńnie ŭ NATO», — skazaŭ Bajden, adznačyŭšy, što jon admoviŭsia ad patrabavańniaŭ prezidenta Rasii Uładzimira Pucina pierad vajnoj uziać na siabie abaviazacielstva nie prymać Ukrainu, tamu što Aljans pravodzić «palityku adčynienych dźviarej».
«Ale ja dumaju, što zaŭčasna kazać, zaklikać da hałasavańnia ciapier, tamu što jość inšyja patrabavańni, jakim nieabchodna adpaviadać, uklučajučy demakratyzacyju i niekatoryja z hetych pytańniaŭ», — dadaŭ Bajden.
Ciapier čytajuć
Ivan Prus raskazaŭ, jak nažyŭsia na $200, pasialiŭšy kinazorku ŭ zaniadbanaj kvatery kala śmietnika ŭ Šabanach, abstaŭlenaj rečami ź jaho internata1212
Ivan Prus raskazaŭ, jak nažyŭsia na $200, pasialiŭšy kinazorku ŭ zaniadbanaj kvatery kala śmietnika ŭ Šabanach, abstaŭlenaj rečami ź jaho internata12
Vajb-prahramavańnie źmienić rolu raspracoŭščyka, RLVR, i kali łopnie burbałka. Biełarus-inžynier u halinie ŠI, jaki pracuje ŭ ZŠA, raskazaŭ, što nas čakaje ŭ 202633
Kamientary