Na poŭdni Jeŭropy prahnazujecca niečuvanaja śpioka. Miescami +48,8°C
U jeŭrapiejskich krainach na ŭźbiarežžy Mižziemnaha mora pačynajecca samaja vialikaja śpioka za leta 2023 hoda. Pra heta paviedamlaje Bi-bi-si.
Chvala śpioki, jakuju prazvali «Cerbieram», nakryje častki Ispanii, Francyi, Italii, Hrecyi, Charvatyi i Turcyi. Tempieratura pavietra čakana pieravysić 40°C, a ŭ Italii miescami dapuskajuć navat 48.8°C.
U nastupnyja dni ŭ mnohich miescach mohuć zarehistravać novyja tempieraturnyja maksimumy.
Dla dziesiaci italjanskich haradoŭ, uklučajučy Rym i Fłarencyju, praź śpioku abviaścili čyrvonaje papiaredžańnie.
Ekstremalnaja śpioka ŭ krainie ŭskosna ŭžo stała pryčynaj śmierci adnaho čałavieka: u horadzie Łodzi pad Miłanam ad ciepłavoha ŭdaru straciŭ prytomnaść 44-hadovy rabočy, jaki nanosiŭ darožnuju raźmietku. Mužčyna paśla pamior u balnicy. Paviedamlali taksama pra niekalkich turystaŭ, jakija stracili prytomnaść praź śpioku.
Tempieraturnym maksimumam dla Jeŭropy zastajecca pakazčyk 48.8°C, jaki zarehistravali ŭ žniŭni 2021 hoda kala horada Sirakuzy na italjanskaj Sicylii.
Pavodle acenak śpiecyjalistaŭ, padčas rekordna haračaha dla Jeŭropy leta minułaha hoda z-za śpioki zahinuli bolš za 61 tysiaču čałaviek.
Daśledavańni pakazvajuć, što ŭ pracesie źmieny klimatu Jeŭropa nahravajecca ŭdvaja chutčej, čym u siarednim inšyja rehijony śvietu.
Ciapier čytajuć
Čakajecca novy raŭnd pieramovaŭ miž Biełaruśsiu i ZŠA — litoŭski ŚMI9
Čakajecca novy raŭnd pieramovaŭ miž Biełaruśsiu i ZŠA — litoŭski ŚMI
Jak razhuł pryrody viarnuŭ cieły Barbary Radzivił i vialikaha kniazia Alaksandra i čamu tajamnicu źniknieńnia ichnich rehalij zmahli raskryć tolki ciapier44
Jak razhuł pryrody viarnuŭ cieły Barbary Radzivił i vialikaha kniazia Alaksandra i čamu tajamnicu źniknieńnia ichnich rehalij zmahli raskryć tolki ciapier4
«Kali ciapier chierova, značyć, heta jašče nie kaniec». Pahutaryli z epatažnym «śviatarom XXI stahodździa», pra jakoha nie było čuvać piać hadoŭ paśla aryštu66
Kamientary