U krainie ŭpieršyniu prezientavali analityku aŭdytoryi i koštu prasoŭvańnia ŭ Telegram.
Pavodle danych kampanii Webcom Group, štomiesiac płatformaj karystajucca bolš za try miljony biełarusaŭ, a inviestycyi ŭ rekłamu praz rekłamny kabiniet miesiendžara z pačatku hoda vyraśli na 300%. Pry hetym 73% z hetaj trochmiljonnaj aŭdytoryi čytajuć tam naviny, piša Office Life.
Usiaho ŭ krainie ciapier naličvajecca bolš za 15 tysiač aktyŭnych kanałaŭ, a hłabalnaja baza karystalnikaŭ prahramy va ŭsim śviecie ŭžo pieravysiła 1 młrd čałaviek.
Cikava, što 86% ź ich — ludzi va ŭzroście ad 18 da 54 hadoŭ, jakija zachodziać u miesiendžar u siarednim na 45 chvilin štodnia.
U daśledavańni analityki raskryli košt rekłamy (dla hrafičnych abjaŭ) na biełaruskim rynku za maj — lipień 2026 hoda. Vyśvietliłasia, što ŭ śfiery nieruchomaści zafiksavany samy vysoki taryf za tysiaču pakazaŭ — €2,08. Pry hetym klik tut abychodzicca ŭ €0,39, klikabielnaść składaje 0,53%, a padpiska abo metavaje dziejańnie akazalisia samymi tannymi na rynku — usiaho €0,76.
U katehoryi «Biznes i pradprymalnictva» tysiača pakazaŭ kaštuje €1,51, pierachod na sajt — €0,48, siaredni vodhuk aŭdytoryi składaje 0,32%, a metavaje dziejańnie kaštuje €4,64.
Najvyšejšuju ŭciahnutaść aŭdytoryi pakazała śfiera turyzmu — 0,78%. Tut tysiača pakazaŭ abydziecca €1,80, klik —u €0,23, a metavaje dziejańnie — €2,25.
Samaj biudžetnaj siarod piaci katehoryj stali markietynh i PR: tysiača pakazaŭ kaštuje €0,75, pierachod — €0,19, klikabielnaść składaje 0,41%, a metavaje dziejańnie aceńvajecca ŭ €1,76.
Taksama raskazali pra mety prasoŭvańnia biznesu. Ciapier 71,8% usioj rekłamy viadzie karystalnikaŭ niepasredna na źniešnija sajty kampanij. Na druhim miescy — prasoŭvańnie samich kanałaŭ (57,4%), dalej iduć pierachody ŭ čat-boty (45,5%), spampoŭvańnie mabilnych prahram (32,2%) i rekłama asabistych abo biznes-profilaŭ (30,2%).
Ciapier čytajuć
Sofja Sapieha: Pratasievič nahavaryŭ na mianie ceły tom kryminalnaj spravy2
Sofja Sapieha: Pratasievič nahavaryŭ na mianie ceły tom kryminalnaj spravy
«Paśla pieršaha zabojstva ź im raźviałasia žonka». Što viadoma pra šmatdzietnaha Siarhieja sa Stolinskaha rajona, jaki paśla vyzvaleńnia z kałonii zabiŭ troch čałaviek33
Kamientary