Na Padlaššy ŭ piatnicu pačynajecca treci Fiestyval abudžanych Tutaka
Fest ładzić adnajmiennaja biełastockaja fundacyja na placoŭcy, dzie z 1990 hoda prachodziła znakamitaje «Basovišča», va ŭročyščy Boryk kala Haradka Padlašskaha vajavodstva Polščy, jak piša Budzma.
Što čakaje haściej festu 14 i 15 lipienia?
Usiebiełaruski piknik — možna pryjechać z namiotam, spynicca ŭ malaŭničym lesie i adpačyvać na voziery.
Muzyčny i teatralny fiestyval — 2 dni žyvoj muzyki ad viadomych biełaruskich muzykaŭ na vialikaj scenie (łajnap budzie ahučany nieŭzabavie), śpiektakli dla dziaciej i darosłych.
Siamiejny adpačynak — majstar-kłasy, čytańni, hulni, zaniatki dla ŭsioj siamji.
Biznes-kanferencyja — dyskusija ab prablemach i mahčymaściach rełakavanych biełaruskich biznesmienaŭ i tych, chto choča zaniacca svajoj spravaj u Jeŭrasajuzie.
Kirmaš — biełaruskija suvieniry i mierč ad lubimych i viadomych majstroŭ.
Vystava biełaruskich inicyjatyŭ — mahčymaść prezientavać siabie i naładzić karysnyja mižnarodnyja suviazi.
A jašče — heta volnyja placoŭki dla tych, chto žadaje pakazać siabie, anłajn-tranślacyja na ŭvieś śviet, sustrečy, znajomstvy, enierhija i supolnaść!
Sustrečy ź biełaruskimi zorkami:
Marharytaj Laŭčuk, Kryścinaj Drobyš, Malavanyčam, Andrejem Saŭčankam, Kaciaj Snycinaj i inšymi.
Adna z zapłanavanych padziej — sustreča z Śviatłanaj Cichanoŭskaj.
Zajhrajuć:
- Daj Darohu!
- NOČY
- BOTANIC PROJECT
- Dzieciuki
- Uladzimir Puchač (J:MORS)
- Papa Bo Selektah
- Dlina Volny
- KRVADZIKI
Poŭnaja prahrama dvuch dzion festu — tut.
«Fest abudžanych Tutaka bačym takoj prastoraj, dzie možna daviedacca, što novaha adbyvajecca ŭ sučasnaj biełaruskaj kultury. Kab možna było havaryć uvohule pra dałučeńni da mastactvaŭ — da teatru, litaratury, da ŭsiaho», — tak vyznačyŭ mety prajekta kiraŭnik fondu Pavieł Stankievič u intervju Budzma.org.
Nahadajem, zusim niadaŭna prajšoŭ jašče adzin viadomy fest ad fundacyi Tutaka — Soncahraj.
Pamiatajecie Piatrušu, jaki vydziraŭ draty «dydžejam Pieramien»? Jaho pieraviali ŭ treciuju lihu čynoŭnikaŭ paśla miesiacaŭ biespracoŭja7
Pamiatajecie Piatrušu, jaki vydziraŭ draty «dydžejam Pieramien»? Jaho pieraviali ŭ treciuju lihu čynoŭnikaŭ paśla miesiacaŭ biespracoŭja
«Paśla pieršaha zabojstva ź im raźviałasia žonka». Što viadoma pra šmatdzietnaha Siarhieja sa Stolinskaha rajona, jaki paśla vyzvaleńnia z kałonii zabiŭ troch čałaviek44
Kamientary