Amierykanskaja kampanija pačała pastaŭlać klijentam sotni tysiač biaspłatnych televizaraŭ. Ale jość niuans
Kampanija Telly pačała masava rassyłać klijentam 55-calevyja «razumnyja» televizary, za jakija nie treba płacić ni kapiejki hrošaj. Jak piša vydańnie The Verge, takoj ščodraści isnuje vyraznaje tłumačeńnie — u hetych pryładach idzie biaskoncaja rekłama, jakuju nielha adklučyć.
Rekłama nie zaminaje prahladu telepieradač i inšaha kantentu, bo dla jaje praduhledžany dadatkovy, ubudavany nižni ekran. Mienavita pakaz biaskoncaj rekłamy ŭ sukupnaści sa zhodaj karystalnikaŭ davać vializny masiŭ kanfidencyjnych danych dla rekłamadaŭcaŭ budzie całkam akuplać košt televizara.
Usiaho płanujecca pastavić televizary 500 tysiačam klijentaŭ da kanca 2023 hoda, a dalej kolkaść takich pryład budzie składać «miljony».
«Niahledziačy na biaskoncuju rekłamu, jakuju niemahčyma adklučyć, u našym śpisie čakańnia ŭžo zarehistravalisia 500 tysiač klijentaŭ, u nastupnym hodzie my płanujem pastavić užo miljony televizaraŭ. Mała taho, što heta samy razumny televizar z kali-niebudź stvoranych, dyk heta jašče i biesprecedentny ekśpierymient pa masavym analizie efiektyŭnaści rekłamy i pieravah karystalnikaŭ. I ŭsio heta biaspłatna», — zajaviŭ hienieralny dyrektar i zasnavalnik Telly Ilja Pozin.
Jon dadaŭ, što jaho «razburalnaja» biznes-madel zrobić revalucyju ŭ televizijnaj halinie, a sama pryłada ŭžo intehravanaja z mnohimi stryminhavymi servisami filmaŭ, muzyki i hetak dalej.
Na dumku Pozina, lubyja televizary ŭ budučyni pavinny być całkam biaspłatnymi, a płacić treba tolki za kantent.
Ciapier čytajuć
«Fieminizm u maim vypadku pieramoh». Vieranika Stankievič — pra dapamohu palitviaźniam u «Volnych» i płany na viasielle ź Ivulinym24
«Fieminizm u maim vypadku pieramoh». Vieranika Stankievič — pra dapamohu palitviaźniam u «Volnych» i płany na viasielle ź Ivulinym
Irłandziec, da jakoha małaja Cichanoŭskaja jeździła ŭ 1990-ja: «Kali b niechta skazaŭ, što adnoje z hetych dziaciej stanie palitykam, ja b pakazaŭ na Śvietu»2222
Irłandziec, da jakoha małaja Cichanoŭskaja jeździła ŭ 1990-ja: «Kali b niechta skazaŭ, što adnoje z hetych dziaciej stanie palitykam, ja b pakazaŭ na Śvietu»22
«Pra ciažarnaść viedali tolki jana i jaje chłopiec». Stali viadomyja padrabiaznaści historyi ź miortvym niemaŭlom, znojdzienym u Baranavičach u pakiecie
Kamientary