Kaardynatar pa stratehičnych kamunikacyjach Rady nacyjanalnaj biaśpieki Biełaha doma Džon Kirbi na bryfinhu raspavioŭ pra viadomyja jamu pieramiaščeńni rasijskich najmitaŭ.
17 lipienia adzin z aficyjnych pradstaŭnikoŭ Biełaha doma Džon Kirbi padčas bryfinhu paćvierdziŭ fakt znachodžańnia bajcoŭ PVK «Vahnier» u Biełarusi. Videa bryfinhu pryvodzić telekanał C-SPAN.
Pa słovach Kirbi, usiaho pieramiaščeńni vahnieraŭcaŭ zafiksavanyja ŭ troch miescach: u Biełarusi, u Afrycy i na ŭschodzie Ukrainy.
«My nie viedajem, dzie znachodzicca asnoŭnaja častka hetych najmitaŭ. Pakul viadoma dakładna, što častka ź ich užo ŭ Biełarusi, inšyja atrady nakiravalisia ŭ Afryku. Biezumoŭna, jany jašče zastajucca na akupavanych terytoryjach Ukrainy», — paviedamiŭ Džon Kirbi.
Jon taksama dadaŭ, što pieramiaščeńni i aktyŭnaść vahnieraŭcaŭ ciapier nijak nie ŭpłyvajuć na bajavuju abstanoŭku va Ukrainie.
Nahadajem, što, pavodle spadarožnikavych zdymkaŭ, u łahiery pad Asipovičami na hety momant znachodzicca kala sta adzinak vajskovaj techniki «Vahniera». Pa śviežaj infarmacyi manitorynhavaj hrupy «Biełaruski Hajun», u Biełaruś prybyło ŭžo try kałony rasijskich najmitaŭ.
U Biełym domie prakamientavali, ci byŭ miaciež «Vahniera» tolki prykryćciom dla jaho pierajezdu ŭ Biełaruś
U Dziarždumie Rasii zajavili, što PVK «Vahnier» patrebnaja ŭ Biełarusi dla budučaha zachopu Suvałkskaha kalidora
Biełarusy znoŭ mohuć padać zajaŭku na ŭdzieł u prestyžnaj amierykanskaj adukacyjnaj prahramie
Ciapier čytajuć
U hadavinu śmierci Žanny Fryskie Dźmitryj Šepieleŭ raspavioŭ, čamu nie dazvalaje synu bačycca ź jaje svajakami16
Kamientary