Viarchoŭny sud razhledzić apielacyju na prysud pa «spravie Tut.by» 31 lipienia
Sudździa Viarchoŭnaha suda Ihar Lubavicki 31 lipienia razhledzić apielacyju na prysud pa «spravie Tut.by», vynikaje z raskładu sudovych pasiadžeńniaŭ. Sudovaje pasiadžeńnie budzie prachodzić u zakrytym režymie, paviedamlaje «Lusterka».
U śpisie abvinavačanych piać čałaviek: hienieralny dyrektar «Tut.baj miedyja» Ludmiła Čekina, hałoŭny redaktar Maryna Zołatava, juryskonsult Kaciaryna Tkačenka, supracoŭnicy redakcyi Alena Taŭkačova i Volha Łojka.
Maryna Zołatava i Ludmiła Čekina — adzinyja fihuranty «spravy Tut.by», jakija dahetul znachodziacca za kratami. Jany pryznanyja palitviaźniami. KDB uklučyŭ ich u śpis «asob, jakija majuć dačynieńnie da terarystyčnaj dziejnaści».
Prysud im sud vynies 17 sakavika hetaha hoda. Kožnaj — 12 hadoŭ kałonii ahulnaha režymu.
Marynu Zołatavu sudździa pryznała vinavataj u «raspaŭsiudzie materyjałaŭ z publičnymi zaklikami da zachopu dziaržaŭnaj ułady, hvałtoŭnaj źmienie kanstytucyjnaha ładu, zaklikami, źviernutymi da zamiežnych dziaržaŭ, zamiežnych i mižnarodnych arhanizacyj, da dziejańniaŭ na škodu nacyjanalnaj biaśpiecy Respubliki Biełaruś, učynienych z vykarystańniem srodkaŭ masavaj infarmacyi i sietki internet» i «naŭmysnych dziejańniach, nakiravanych na ŭzbudžeńnie sacyjalnaj varožaści i varožaści z prykmiety inšaj sacyjalnaj prynaležnaści, učynienych hrupaj asob».
Ludmiłu Čekinu pryznali vinavataj va «ŭchileńni ad vypłaty padatkaŭ», a taksama ŭ «arhanizacyi raspaŭsiudžvańnia materyjałaŭ z publičnymi zaklikami da zachopu dziaržaŭnaj ułady, hvałtoŭnaha źmianieńnia kanstytucyjnaha ładu, zaklikami, źviernutymi da zamiežnych dziaržaŭ, zamiežnych i mižnarodnych arhanizacyj, da dziejańniaŭ na škodu nacyjanalnaj biaśpiecy Respubliki Biełaruś, učynienych z vykarystańniem srodkaŭ masavaj infarmacyi i sietki internet» i «arhanizacyi dziejańniaŭ, nakiravanych na ŭzbudžeńnie sacyjalnaj varožaści i varožaści z prykmiety inšaj sacyjalnaj prynaležnaści, učynienych hrupaj asob».
Ahułam razhlad kryminalnaj spravy zaniaŭ amal dva miesiacy, prajšło 37 pasiadžeńniaŭ.
Alenu Taŭkačovu, Volhu Łojku i Kaciarynu Tkačenka abviaścili ŭ vyšuk paśla taho, jak jany nie źjavilisia ŭ sud.
Pahrom Tut.by adbyŭsia 18 maja 2021 hoda, kali siłaviki pryjšli dadomu da niekatorych supracoŭnikaŭ kampanii i pradstaŭnikoŭ partniorskich arhanizacyj, a taksama ŭ ofisy partała ŭ Minsku i abłasnych centrach. Tady byli zatrymanyja 15 čałaviek. U krasaviku 2023 hoda stała viadoma, što pamiłavali dzieviaciarych fihurantaŭ «spravy», jakija prachodzili pa artykule za dapamahańnie ŭ niavypłacie padatkaŭ.
Dačka Maryny Zołatavaj pra prysud: Chtości za nadumanuju spravu atrymaje zoračku na pahony. A maja matula niazłomnaja
«Nie za harami toj čas, kali biełarusy zmohuć žyć ščaśliva». Maryna Zołatava napisała list z turmy
13 lipienia byŭ 50-hadovy jubilej u Ludmiły Čekinaj — asudžanaj na 12 hadoŭ hiendyrektarki Tut.by
Ciapier čytajuć
Ejsmant: Łukašenka nie zmoža palacieć na Samit miru ŭ ZŠA, bo pavietranaja prastora Jeŭropy dla jaho zakrytaja46
Kamientary