Samy tanny, a razam z tym i samy chutki sposab pierasiačeńnia miažy — jechać praź jaje na rovary. Pacikavilisia, kolki času zajmaje taki prajezd.
Polša
Trapić u Polšču na rovary nie ŭdasca, bo abodva punkty propusku, jakija dahetul pracujuć, nie praduhledžvajuć pierasiačeńnia miažy na hetym vidzie transpartu.
Litva
U punkcie propusku «Pryvałka» ravarysty majuć pryjarytet tolki ź biełaruskaha boku miažy.
Biełarusy prapuskajuć ravarystaŭ i matacyklistaŭ biez čarhi. Takija padarožniki mohuć adrazu paśla zapusku na terytoryju punkta propusku ruchacca da pahraničnikaŭ i prachodzić pahraničny i mytny kantrol. Ale paśla prachodu biełaruskaha punktu propusku, ravarysty i matacyklisty stajać u adnoj čarzie ź lehkavymi aŭto. Praz heta prajezd miažy na rovary staje nie takim chutkim, jak heta było raniej, pakul litoŭski bok taksama prapuskaŭ viełasipiedy i matacykły asobna, a nie patrabavaŭ stajać u adnoj čarzie z aŭtamabilami.
Amatary jeździć praź miažu na rovary praz «Pryvałku» kažuć, što na prachod miažy ŭ adzin bok sychodzić ad 1,5 da 3 hadzin.
U punkcie propuska «Bieniakoni» prajechać praź miažu na rovary možna značna chutčej. Kali admysłovych čerhaŭ ź viełasipiedystaŭ niama, to na abiedźvie hranicy moža syści chvilin 20, kažuć čytačy.
U Kamiennym Łozie pa nazirańni padarožnikaŭ situacyja padobnaja da Pryvałki. Na litoŭskim baku čaściakom staviać ravarystaŭ u adnu kalejku ź lehkavikami. Na biełaruskim baku miažy rovary stajać u asobnaj čarzie. Praz heta pa słovach padarožnikaŭ prajezd praz hety punkt propusku na rovary moža zaniać i niekalki hadzin.
A voś na Łošy ź lehkavymi aŭto na rovary stajać nie treba. Tam isnuje asobnaja čarha dla tych, chto pierasiakaje miažu na rovary. U zaležnaści ad zahružanaści punkta propusku, na prajezd sychodzić ad 15-20 chvilin.
Łatvija
Taksama na rovary možna pierasiačy miažu z Łatvijaj. Viełasipiedysty tam nie stajać u supolnaj čarzie z mašynami, dyj sami čerhi na łatvijskim kirunku byvajuć nie zaŭždy. Tamu prajechać praź miažu zvyčajna zajmaje ad 15 da 30 chvilin.
«Viedajecie, jak kamientuje vaša zatrymańnie apazicyja? «Aryštavany pamahaty režymu». Turemnaja spoviedź lidara prafsajuzaŭ Jarašuka1
«Viedajecie, jak kamientuje vaša zatrymańnie apazicyja? «Aryštavany pamahaty režymu». Turemnaja spoviedź lidara prafsajuzaŭ Jarašuka
«Ruki preč ad sasisačak!». U sacsietkach horača abmiarkoŭvajuć baraćbu Łukašenki z kavaj na zapraŭkach. Niekatoryja zaklikajuć dziejničać bolš žorstka77
Kamientary