Tvitar i instahram, łavicie: TikTok dadaje opcyju tekstavych paviedamleńniaŭ
Karystalniki zmohuć dzialicca vieršami, tekstami piesień i inšym kantentam u piśmovaj formie.
Siońnia TikTok absalutna daminuje ŭ prastory karotkich videa, ale ciapier jon dadaje mahčymaść dzialicca karotkimi tekstavymi paviedamleńniami. Hihant sacyjalnych miedyja tolki što abviaściŭ pra novuju funkcyju, jakaja dazvolić karystalnikam «dzialicca svaimi historyjami, vieršami, tekstami piesień i inšym piśmovym kantentam, dajučy im jašče adzin sposab prajavić siabie».
Nabor instrumientaŭ zdajecca dosyć prostym. Treba tolki nacisnuć na «+» unizie ekrana i vybrać opcyju «Text». Dadatkova da tekstu možna dadavać huki, paznačać miescy, dazvalać kamientary i navat intehravacca z Duets (opcyja, jakaja dazvalaje dvum karystalnikam stvarać sumiesnyja videa z padvojnym ekranam). Kampanija zajaŭlaje, što hetyja tekstavyja paviedamleńni buduć takimi ž interaktyŭnymi i dynamičnymi, jak videa- i fotapasty. To-bok vy zmožacie źmianiać koler fonu, dadavać cheštehi i, viadoma, prymacoŭvać šmat stykieraŭ.
Engaget dadaje, što hetak ža, jak z videa i fota, vy zmožacie zachavać luby tekstavy post jak čarnavik, kab potym jaho adredahavać albo ŭvohule vydalić, kali vy nie ŭpeŭnienyja, što ŭvieś internet pavinien bačyć vaš vierš pra picu.
Tak, usio heta hučyć vielmi padobna da funkcyjanału Instagram Stories dla stvareńnia tekstavych publikacyj. I heta byŭ nie pieršy raz, kali TikTok šukaŭ natchnieńnia ŭ Instagram ci naadvarot. U minułym hodzie kitajskaja sacsietka dadała novuju funkcyju pad nazvaj «Fotarežym». Abnaŭleńnie dazvoliła karystalnikam TikTok dzialicca nie tolki videarolikami, ale taksama i fota (ci niekalkimi fotazdymkami) u publikacyi razam z podpisami daŭžynioj da 2200 simvałaŭ. Chacia prahramy i pačynajuć vyhladać adnolkava, fotarežym TikTok staŭ davoli papularnym, i kitajskaja kampanija, biezumoŭna, spadziajecca, što novy tekstavy režym budzie iści pa toj ža trajektoryi.
Instagram palahčaje stvareńnie Reels z dapamohaj šabłonaŭ
«Ludzi čakajuć novych videa, tamu ja nie mahu machnuć rukoj i ničoha nie zdymać». Dziaŭčyna robić biełaruskamoŭnyja kaviery na znakamityja pieśni i dzielicca imi ŭ TikTok
Błohier umier pośle toho, kak v priamom efirie TikTok vypił sieḿ butyłok kitajskoho ałkoholnoho napitka Baijiu
Biełarusy sustrakajuć vyzvalenych palitviaźniaŭ u Vilni FOTY i VIDEA3
Kamientary