Твітар і інстаграм, лавіце: TikTok дадае опцыю тэкставых паведамленняў
Карыстальнікі змогуць дзяліцца вершамі, тэкстамі песень і іншым кантэнтам у пісьмовай форме.
Сёння TikTok абсалютна дамінуе ў прасторы кароткіх відэа, але цяпер ён дадае магчымасць дзяліцца кароткімі тэкставымі паведамленнямі. Гігант сацыяльных медыя толькі што абвясціў пра новую функцыю, якая дазволіць карыстальнікам «дзяліцца сваімі гісторыямі, вершамі, тэкстамі песень і іншым пісьмовым кантэнтам, даючы ім яшчэ адзін спосаб праявіць сябе».
Набор інструментаў здаецца досыць простым. Трэба толькі націснуць на «+» унізе экрана і выбраць опцыю «Text». Дадаткова да тэксту можна дадаваць гукі, пазначаць месцы, дазваляць каментары і нават інтэгравацца з Duets (опцыя, якая дазваляе двум карыстальнікам ствараць сумесныя відэа з падвойным экранам). Кампанія заяўляе, што гэтыя тэкставыя паведамленні будуць такімі ж інтэрактыўнымі і дынамічнымі, як відэа- і фотапасты. То-бок вы зможаце змяняць колер фону, дадаваць хэштэгі і, вядома, прымацоўваць шмат стыкераў.
Engaget дадае, што гэтак жа, як з відэа і фота, вы зможаце захаваць любы тэкставы пост як чарнавік, каб потым яго адрэдагаваць альбо ўвогуле выдаліць, калі вы не ўпэўненыя, што ўвесь інтэрнэт павінен бачыць ваш верш пра піцу.
Так, усё гэта гучыць вельмі падобна да функцыяналу Instagram Stories для стварэння тэкставых публікацый. І гэта быў не першы раз, калі TikTok шукаў натхнення ў Instagram ці наадварот. У мінулым годзе кітайская сацсетка дадала новую функцыю пад назвай «Фотарэжым». Абнаўленне дазволіла карыстальнікам TikTok дзяліцца не толькі відэаролікамі, але таксама і фота (ці некалькімі фотаздымкамі) у публікацыі разам з подпісамі даўжынёй да 2200 сімвалаў. Хаця праграмы і пачынаюць выглядаць аднолькава, фотарэжым TikTok стаў даволі папулярным, і кітайская кампанія, безумоўна, спадзяецца, што новы тэкставы рэжым будзе ісці па той жа траекторыі.
Instagram палягчае стварэнне Reels з дапамогай шаблонаў
«Людзі чакаюць новых відэа, таму я не магу махнуць рукой і нічога не здымаць». Дзяўчына робіць беларускамоўныя каверы на знакамітыя песні і дзеліцца імі ў TikTok
Блогер умер после того, как в прямом эфире TikTok выпил семь бутылок китайского алкогольного напитка Baijiu
У мінскім гандлёвым цэнтры Palazzo сабралася даўжэзная чарга. Па дармовых мядзведзікаў!5
Каментары