«Tušonki źjeli bolš, čym za ŭsio žyćcio». U čatach svajakoŭ vahnieraŭcaŭ raschvalvajuć umovy, u jakich jany žyvuć u Biełarusi
Rasijskaje vydańnie «Možiem objaśniť» pramanitoryła čaty, u jakich hurtujucca svajaki ŭdzielnikaŭ PVK «Vahnier», i na padstavie paviedamleńniaŭ u ich pryjšło da vysnovy, što mnohija vahnieraŭcy ŭžo atrymali adpačynki i raźjechalisia pa damach. Prytym havorka idzie i pra tych, chto pierad hetym pryjechaŭ u łahier na terytoryi Biełarusi. A chto zastaŭsia ŭ łahiery — tym žyviecca nibyta dobra jak nidzie.
Pavodle vydańnia, z pačatku hetaha tydnia ŭ čatach aktyŭna abmiarkoŭvajecca pytańnie kupli kvitkoŭ ź Biełarusi ŭ Rasiju i detali viartańnia.
Miarkujučy pa mnohich paviedamleńniach, častka vahnieraŭcaŭ-adpusknikoŭ na radzimu nie vielmi śpiašajecca, a aktyŭna «rassłablajecca» pa darozie pry dapamozie ałkaholu.
Kaardynatary čataŭ paviedamlajuć, što kožnaja druhaja bryhada PVK raspuščanaja, a ŭ łahiery, maŭlaŭ, zastajucca tolki samyja daśviedčanyja — tyja, chto budzie zaniaty vajskovaj padrychtoŭkaj na biełaruskich palihonach i adpravicca ŭ Siryju i Afryku.
Pavodle abmierkavańniaŭ u čatach, tyja vahnieraŭcy, što zastalisia ŭ Biełarusi, žyvuć u vydatnych umovach, ich kormiać smačna i niekalki razoŭ na dzień. «Jany tušonki źjeli bolš, čym za ŭsio žyćcio», — iranizujuć svajaki vahnieraŭcaŭ.
Akramia taho, u adroźnieńnie ad bazy ŭ Molkinie Krasnadarskaha kraju, u biełaruski łahier pad Asipovičami mohuć nibyta pryjazdžać žonki najmitaŭ.
Naradziŭsia va Ukrainie, byŭ drobnym čynoŭnikam, vajavaŭ u Afrycy. Raskrytaja asoba «Pijaniera», jaki ŭznačaliŭ «Vahnier» u Biełarusi
«Tak ja padaŭžaju svaju maładość». U Pryhožyna byŭ ceły «kanviejer» pa pazbaŭleńni dziaŭčat cnatlivaści
Vahnieraŭcy praciahvajuć navučać biełaruskich sałdat. Hetym razam ahniavoj padrychtoŭcy
Ciapier čytajuć
«Ja nie śviataja, ale ŭ mianie nie było nadziejnaha plača pobač»: maci Ksiušy z SMA mohuć pazbavić baćkoŭskich pravoŭ, jana ž davodzić, što zdolnaja vypravicca1414
Kamientary