Viarchoŭny sud nie zadavoliŭ apielacyjnuju skarhu Valeryi Kaściuhovaj
Viarchoŭny sud adchiliŭ apielacyjnuju skarhu žurnalistki Valeryi Kaściuhovaj i pakinuŭ u sile vyrak — 10 hadoŭ źniavoleńnia, vyniesieny ŭ sakaviku Minharsudom. Pasiadžeńnie ŭ Viarchoŭnym sudzie prajšło 25 lipienia.
Paśla razhladu apielacyi spadarynia Valeryja mieła karotkaje spatkańnie z mužam. Ciapier na pačatku žniŭnia jaje pavinny etapavać u Homiel, dzie jana budzie adbyvać prysudžanaje pakarańnie ŭ kałonii ahulnaha režymu.
Pavodle rodnych i siabroŭ, Valeryja Kaściuhova nie spadziavałasia, što Viarchoŭny sud zadavolić jaje apielacyjnuju skarhu.
Ale vyrašyła asprečvać rašeńnie suda pieršaj instancyi, kab prademanstravać svaju niazhodu z vyniesienym prysudam, piša BAŽ.
Valeryja Kaściuhova — palitałahinia, zasnavalnica i redaktarka sajta ekśpiertnaj supolnaści «Našie mnienije», redaktarka i aŭtar «Biełaruskaha štohodnika» i kiraŭnica hrupy ekśpiertaŭ pa manitorynhu «Biełaruś u fokusie» — była zatrymanaja 30 červienia 2021 hoda supracoŭnikami KDB paśla vobšuku ŭ jaje kvatery.
Žančynu spačatku źmiaścili ŭ izalatar na Akreścina, adtul pieraviali ŭ SIZA № 1. Amal dva hady jana praviała na «Vaładarcy» ŭ čakańni suda i jašče niekalki miesiacaŭ, pakul prysud ustupiŭ u zakonnuju siłu. Za kratami sustreła svoj jubilej — 55-hodździe.
Valeryju Kaściuhovu sudzili razam z Taćcianaj Kuzinaj — adnoj z zasnavalnic prajekta SYMPA, daśledčycaj ŭ śfiery dziaržaŭnaha kiravańnia. Kuzinu zatrymali na dzień raniej za Kaściuhovu ŭ minskim aeraporcie na pašpartnym kantroli pierad rejsam na Tbilisi.
U čym kankretna źvinavacili žančyn-ekśpiertak, zastajecca nieviadomym: z advakataŭ uziali padpiski ab nierazhałošvańni, a sud prachodziŭ u zakrytym režymie.
«Hienierał Biada vylecieŭ praz bakavoje škło «Čajki». Małaviadomaja avaryja 1976 hoda, u jakoj zahinuli druhi čałaviek u BSSR i bajavy lotčyk-hienierał33
Kamientary