Padazrajuć vahnieraŭca, jaki viarnuŭsia z Ukrainy.
U noč na 1 žniŭnia ŭ vioscy Dzieraviannaje ŭ Karelii (rehijon Rasii) na miescy dvuch zharełych damoŭ znajšli cieły piaciarych zarezanych mužčyn i adnoj žančyny. U palicyi vykazali zdahadku, što padpałam złačyncy sprabavali schavać zabojstva. U toj ža dzień zatrymali dvaich miascovych žycharoŭ u stanie ałkaholnaha apjanieńnia.
Žurnalisty vyśvietlili asoby zatrymanych. Imi akazalisia 37– i 38-hadovyja siabry, jakija raniej razam siadzieli ŭ kałonii. Adzin byŭ asudžany za zhvałtavańnie, kradziež, rabavańnie, razboj, vykradańnie aŭto i chulihanstva.
Druhi trapiŭ u kałoniju pa abvinavačańni ŭ zabojstvie, kradziažy, rabavańni, razboi i zachoŭvańni narkotykaŭ. Adrazu z kałonii jon pajechaŭ na vajnu ŭ składzie PVK «Vahnier», byŭ paranieny i viarnuŭsia dadomu viasnoj.
Sud aryštavaŭ abodvuch złačyncaŭ na dva miesiacy. Pa kryminalnaj spravie ab zabojstvie niekalkich čałaviek im pahražaje pažyćciovaje źniavoleńnie.
Pamiatajecie Asol Śliviec? Žyćcio frystajlistki źmianiłasia da niepaznavalnaści, ciapier jana Abihal7
Kamientary