Baćka piaciarych dziaciej nie chacieŭ płacić alimienty i zamoviŭ hienietyčnuju ekśpiertyzu. I voś pytańnie: uzradavaŭsia ci zasmuciŭsia vyniku
Baćka piaciarych dziaciej bolš za try miesiacy nie płaciŭ alimientaŭ. Pa hetym fakcie inśpiekcyja ŭ spravach niepaŭnaletnich pačała pravierku, jakaja skončyłasia vielmi niečakana.
Žychar Mahiloŭskaj vobłaści z maja 2021-ha pavinien byŭ płacić alimienty na ŭtrymańnie piaciarych dziaciej — 50% ad usich zarobkaŭ. A da červienia 2023-ha ŭ jaho ŭtvaryłasia zapazyčanaść, bolšaja za 16 tysiač, paviedamlaje Tochka.by.
Za heta biełaruskaje zakanadaŭstva praduhledžvaje kryminalnuju adkaznaść.
Adpaviednyja orhany pačali raźbiracca ŭ situacyi. Tady mužčyna zajaviŭ pra svaje sumnievy ŭ tym, što troje małodšych dziaciej jamu rodnyja. Choć małyja i nosiać jaho proźvišča i imia pa baćku.
Kab jaho zajava nie zastałasia hałasłoŭnaj, pryznačyli sudovuju hienietyčnuju ekśpiertyzu.
«Daśledavaŭšy bijałahičnyja ŭzory traich dziaciej i mužčyny, dziaržaŭnyja miedycynskija sudovyja ekśpierty-bijołahi vyklučyli bijałahičnaje baćkoŭstva apošniaha ŭ adnosinach da ŭkazanych dziaciej», — adznačyła aficyjnaja pradstaŭnica ŭpraŭleńnia DKSE Mahiloŭskaj vobłaści Iryna Račkoŭskaja.
Ciapier užo niešmatdzietnamu baćku treba asprečyć baćkoŭstva ŭ sudovym paradku.
Ciapier čytajuć
Što aznačaje źjaŭleńnie vychadcaŭ ź Biełarusi ŭ rasijskim śpiecpadraździaleńni dla asabliva važnych apieracyj i tajnych zabojstvaŭ?20
Što aznačaje źjaŭleńnie vychadcaŭ ź Biełarusi ŭ rasijskim śpiecpadraździaleńni dla asabliva važnych apieracyj i tajnych zabojstvaŭ?
Za dva dni na vyratavalny ŭkoł Ksiušy z Mahilova sabrali rekordnyja $300 tysiač. Mama zdała jaje ŭ dzietdom, a čužyja ludzi bjucca za žyćcio dziciaci44
Za dva dni na vyratavalny ŭkoł Ksiušy z Mahilova sabrali rekordnyja $300 tysiač. Mama zdała jaje ŭ dzietdom, a čužyja ludzi bjucca za žyćcio dziciaci4
Vychadcy z «Alfa» KDB Biełarusi zajmajuć kiraŭničyja pasady ŭ novym rasijskim supiersakretnym śpiecpadraździaleńni, pryznačanym dla zabojstvaŭ za miažoju3333
Kamientary