U centry Minska rybak vyłaviŭ 15-kiłahramovaha taŭstałobika
Nabiarežnaja Śvisłačy ŭ rajonie cyrka — ulubionaje miesca siarod haradskich rybakoŭ, i sustreć mužčyn z vudaj tut možna ŭ luby čas. I časam im udajecca vyciahvać sapraŭdy prystojnyja ekzemplary. Tak, čytač «Anłajniera» paviedamiŭ, što ŭ paniadziełak mužčyna na śpininh, vykarystoŭvajučy ŭ jakaści snaści blešniu, vyciahnuŭ z raki vializnaha taŭstałobika.
Vaha vyciahnutaj rybiny skłała 15 kiłahramaŭ. Jak raskazaŭ sam rybak, raniej taŭstałobikaŭ na Śvisłačy jon nie łaviŭ.
Pa kamientar «Anłajnier» źviarnuŭsia da małodšaha navukovaha supracoŭnika łabaratoryi ichtyjałohii navukova-praktyčnaha centra NAN RB Alaksieja Palatajeva.
«Taki ŭłoŭ — vialikaja ŭdača dla rybaka, — havoryć ekśpiert. — Pa-pieršaje, złavić takuju mocnuju rybu, jak taŭstałobik, niaprosta. Pa-druhoje, heta ŭsio ž taki vypadkovy ŭłoŭ, pakolki dla blešni heta nie metavaja ryba. Mahčyma, taŭstałobik chacieŭ adahnać rybnaje malania i zachapiŭ kručok. Jak jon apynuŭsia ŭ Śvisłačy? Chutčej za ŭsio, trapiŭ u raku ŭ vyniku zarybleńnia adnaho ź minskich vadaschoviščaŭ».
Radzima taŭstałobika — reki Uschodniaj i Paŭdniova-Uschodniaj Azii. U Biełarusi jaho vykarystoŭvajuć dla zarybleńnia vadajomaŭ, siłkujecca jon fitapłanktonam. Moža dasiahać vahi ŭ 20-30 kiłahram, i takich, byvaje, łoviać. Ale dla Śvisłačy ŭ Minsku 15-kiłahramovy taŭstałobik — trafiej vielmi prystojny.
Pad Minskam rybu kietu pierafarboŭvali ŭ «stronhu» i kazali, što tak jašče lepš
Historyja z zahinułaj rybaj pad Maładziečnam praciahvajecca, jaje vyjavili na inšym voziery. Miascovyja žychary jaje jaduć
Rybałka pa-biełarusku be like. Ničoha niezvyčajnaha, prosta busieł vyrašyŭ źjeści čužy ŭłoŭ VIDEA
U voziery pad Maładziečnam zahinuli amal try tony ryby
U Prypiaci złavili hihanckaha soma
Ciapier čytajuć
Knyrovič raskazaŭ, čamu były dyrektar aršanskich zavodaŭ paśla vyzvaleńnia pajšoŭ vajavać za Rasiju, dzie i zahinuŭ2
Kamientary