MZS Ukrainy raskrytykavała rašeńnie zaprasić biełaruskaha i rasijskaha pasłoŭ na ŭručeńnie Nobieleŭskich premij
Pres-sakratar MZS Ukrainy ŭ fejsbuku vykazaŭ ździŭleńnie zaprašeńniem na cyrymoniju ŭručeńnia Nobieleŭskich premij biełaruskaha i rasijskaha pasłoŭ.
«Fond Nobiela pryniaŭ rašeńnie adnavić praktyku zaprašeńnia pasłoŭ Rasii i Biełarusi na cyrymoniju ŭručeńnia Nobieleŭskaj premii. Takoje rašeńnie tłumačycca žadańniem niepasredna dakazvać svaje kaštoŭnaści navat tym dziaržavam, jakija im supraćstajać. Davodzić kaštoŭnaści humanizmu da Rasii i Biełarusi — sizifava praca. Namahańni, jakija nie pryviaduć da vyniku», — napisaŭ Aleh Nikolenka.
«Imavierna, u toj dzień, kali rasijski pasoł budzie siadzieć u pryhožym kaściumie ŭ Stakholmskim kancert-chole, rasijskaja armija budzie čynić čarhovyja vajennyja złačynstvy na akupavanych ukrainskich terytoryjach, a rasijskija rakiety buduć źniščać čarhovyja žyłyja kvartały va ŭkrainskich haradach.
Jak pry takich umovach usprymuć u Kramli rašeńnie fondu viarnucca da business as usual? Tolki ŭzmacnieńniem adčuvańnia biespakaranaści i novymi złačynstvami», — aburyŭsia pres-sakratar MZS Ukrainy.
«Letaś Fond Nobiela nie zaprašaŭ rasijskich i biełaruskich pasłoŭ u adkaz na rasijskuju ahresiju suprać Ukrainy. I pakul jana praciahvajecca, pakul miljony ŭkraincaŭ pakutujuć ad niespravakavanaj vajny, a rasijskaje kiraŭnictva nie pakarana za svaje złačynstvy, my zaklikajem arhanizacyjny kamitet padtrymlivać mižnarodnyja namahańni pa izalacyi Rasii i Biełarusi», — reziumavaŭ Aleh Nikolenka.
Ciapier čytajuć
Babaryka raskazaŭ, jak chadziŭ u KDB znajomicca sa spravaj svajho represavanaha dzieda, jaki moh być rasstralany ŭ Kurapatach10
Babaryka raskazaŭ, jak chadziŭ u KDB znajomicca sa spravaj svajho represavanaha dzieda, jaki moh być rasstralany ŭ Kurapatach
Daradca prezidenta Polščy prakamientavaŭ zvarot Kaleśnikavaj i Zołatavaj: Łukašenka vypuskaje niekalki dziasiatkaŭ viaźniaŭ, a na nastupny dzień zatrymlivaje novych1818
Kamientary