Rasija ŭdaryła pa Paŭdniovym moście ŭ Kijevie čatyrma «Iskanderami»
U noč na 27 kastryčnika rasijskija vojski atakavali Kijeŭ balistyčnymi rakietami. Jak śćviardžajecca, pa Paŭdniovym moście vypuścili ažno čatyry rakiety «Iskander-M».
U vyniku balistyčnych udaraŭ most atrymaŭ značnyja paškodžańni.
Na videa, apublikavanym ukrainskimi ŚMI, bačnaja vialikaja skraznaja dzirka ŭ darožnym pałatnie pamiž rejkami, raźbitaje žalezabietonnaje pierakryćcio i pahnutaja armatura. Paškodžanyja taksama rejki.
Most pierakryli, ruch pa im źmianili.
U efiry nacyjanalnaha telemarafonu pres-sakratar Pavietranych sił USU Juryj Ihnat adznačyŭ, što padčas ataki viečaram i nočču z 26 na 27 kastryčnika vorah rasijanie prymianili 16 balistyčnych rakiet typu «Iskander-M» abo zienitnych rakiet S-400, niekalki ź jakich nakiravaŭ na Paŭdniovy most u Kijevie.
«Viadoma, heta pałatno možna adnaŭlać, tamu što masty nie tak prosta zrujnavać, jak chtości dumaje. Ale, urešcie, heta taksama vyklikaje peŭnyja niazručnaści. Dla taho kab jaho adnavić, patrebien čas», — zajaviŭ Ihnat.
Akramia taho, celami ataki taksama byli roznyja abjekty ŭ stalicy, u tym liku banki, aŭtazapravačnyja stancyi, pramysłovaja zona i pradpryjemstvy.
Daradca prezidenta Polščy prakamientavaŭ zvarot Kaleśnikavaj i Zołatavaj: Łukašenka vypuskaje niekalki dziasiatkaŭ viaźniaŭ, a na nastupny dzień zatrymlivaje novych2121
Kamientary