Navukoŭcy znajšli mikrapłastyk u abłokach. Heta moža nieści surjoznyja nastupstvy dla śvietu
Čamu situacyja niebiaśpiečnaja i ci moža heta ŭpłyvać na źmienu klimatu, adkazali ŭ svaim daśledavańni japonskija navukoŭcy.
Japonskija navukoŭcy praviali daśledavańnie i znajšli čarhovy dokaz taho, što mikrapłastyk pranik u bolšaść ekasistem na Ziamli. Pra heta paviedamiła vydańnie Euronews sa spasyłkaj na časopis Environmental Chemical Letters.
Dla praviadzieńnia ekśpierymientu japonskim daśledčykam daviałosia padniacca na śviatuju haru Fudzi i sabrać uzory vady z hary Ajama. Vadu źbirali na vyšyni ad 1300 da 3776 mietraŭ. Paśla jany vyśvietlili, ci znachodzicca mikrapłastyk va ŭzorach, i kali tak, to jaki mienavita.
«U hornaj vadzie znajšli 9 roznych vidaŭ palimieraŭ i 1 typ humy. Na litr vady prychodziłasia da 14 čaścic płastyku, pamier jakoha moh dasiahać 95 mikramietraŭ, što krychu bolš za siaredniuju taŭščyniu vołasa», — piša Euronews sa spasyłkaj na japonskich navukoŭcaŭ.
Vialikaja kolkaść palimieraŭ aznačaje, što vakoł čaścic płastyku mahła kandensavacca vada ŭ atmaśfiery. Takim čynam farmirujucca abłoki. Navukoŭcy ličać, što mikrapłastyk u harach moža ŭpłyvać na farmiravańnie abłokaŭ i na źmieny klimatu. Jon cyrkuluje ŭ atmaśfiery i spryjaje hłabalnamu zabrudnieńniu.
Viadučy aŭtar daśledavańnia Chirošy Akočy z univiersiteta Vasieda kaža, što prablemu treba terminova vyrašać.
«Ekałahičnyja ryzyki mohuć stać realnaściu, asiarodździu budzie naniesiena niepapraŭnaja škoda», — papiaredžvaje jon.
«Jak mikrapłastyk traplaje ŭ abłoki? Heta moža być pył ad daroh, zvałki, aŭtamabilnyja šyny, navat štučny hazon i kaśmietyka. Akijan taksama pasyłaje płastyk u nieba ŭ pracesie vyparvańnia. Maleńkija čaścicy płastyku stanoviacca dastatkova lohkimi dla taho, kab latać i padymacca ŭ pavietra», — adznačaje Euronews.
Navukoŭcy dadajuć, što «mikrapłastyk, mahčyma, staŭ kampanientam abłokaŭ, zabrudžvajučy ŭvohule ŭsio, što my jadzim i pjom. U svabodnaj trapaśfiery mikrapłastyk pieranosicca vietram, što tolki spryjaje hłabalnamu zabrudžańniu».
Ciapier čytajuć
Administratarka «Štaba Anošak» vałodaje biełaruskaj kampanijaj, datyčnaj da pastavak sankcyjnych paŭpravadnikoŭ u vajujučuju Rasiju12
Administratarka «Štaba Anošak» vałodaje biełaruskaj kampanijaj, datyčnaj da pastavak sankcyjnych paŭpravadnikoŭ u vajujučuju Rasiju
Rasijski repier Jahor Kryd źniaŭsia ŭ majcy z vyjavaj hieroja filma «Idzi i hladzi», jakomu damalavali pirsinh i tatuiroŭki. Cišotku vypuścili krama biełaruski77
Rasijski repier Jahor Kryd źniaŭsia ŭ majcy z vyjavaj hieroja filma «Idzi i hladzi», jakomu damalavali pirsinh i tatuiroŭki. Cišotku vypuścili krama biełaruski7
«Zaprasiŭ mianie na spatkańnie i pryjechaŭ na jaho z pakietam pamidoraŭ zamiest kvietak». Što ŭspaminajuć pra Jana Pamiedora Reuckaha, admina šmattysiačnaj supołki biełarusaŭ Polščy77
Kamientary
"Britanskoje izdanije The Guardian provieło niebolšoje rasśledovanije i vyjaśniło, čto SŠA otpravlajet ježiehodno boleje 1 milliona tonn płastikovoho musora v strany, hdie nizko cienitsia rabočaja siła i niet hosudarstviennoho riehulirovanija ekołohičieskoj situacii.