U baranavickaj škole zładzili pakazalny sud nad žančynaj, jakaja skrała mabilnik
Vyjaznoje pasiadžeńnie suda, kudy sabrali školnikaŭ, adbyłosia ŭ škole numar dzieviać.
Na vyjaznym adkrytym sudovym pasiadžeńni razhladałasia kryminalnaja sprava pa fakcie kradziažu (č. 1 art.205 KK). Na łavie padsudnych była žycharka Kleckaha rajona, jakuju abvinavačvali ŭ kradziažy mabilnaha telefona ŭ svajho znajomaha, paviedamlaje vydańnie bar24.by.
Jak adznačyli na sudzie, žančyna dva hady nidzie nie pracuje, žyvie za košt srodkaŭ maci. Jana svaju vinu pryznała całkam. U vyniku joj pryznačyli 300 hadzin hramadskich rabot.
U škole na pasiadžeńni suda prysutničali vučni, paviedamlaje ŭpraŭleńnie pa adukacyi Baranavickaha harvykankama.
«Udzieł školnikaŭ u adkrytym sudovym pasiadžeńni budzie spryjać farmavańniu ŭ dziaciej ćviordaj ustanoŭki na zakonapasłuchmiany ład žyćcia», — paviedamili čynoŭniki adukacyi.
Ciapier čytajuć
«Na vybarach prezidenta ja b hałasavaŭ za Łatušku». Hutarka z patencyjnym śpikieram KR Arciomam Bruchanam — pra śmierć maci, tatuiroŭki i Mielnikavu2121
Kamientary