У баранавіцкай школе зладзілі паказальны суд над жанчынай, якая скрала мабільнік
Выязное пасяджэнне суда, куды сабралі школьнікаў, адбылося ў школе нумар дзевяць.
На выязным адкрытым судовым пасяджэнні разглядалася крымінальная справа па факце крадзяжу (ч. 1 арт.205 КК). На лаве падсудных была жыхарка Клецкага раёна, якую абвінавачвалі ў крадзяжы мабільнага тэлефона ў свайго знаёмага, паведамляе выданне bar24.by.
Як адзначылі на судзе, жанчына два гады нідзе не працуе, жыве за кошт сродкаў маці. Яна сваю віну прызнала цалкам. У выніку ёй прызначылі 300 гадзін грамадскіх работ.
У школе на пасяджэнні суда прысутнічалі вучні, паведамляе ўпраўленне па адукацыі Баранавіцкага гарвыканкама.
«Удзел школьнікаў у адкрытым судовым пасяджэнні будзе спрыяць фармаванню ў дзяцей цвёрдай устаноўкі на законапаслухмяны лад жыцця», — паведамілі чыноўнікі адукацыі.
Цяпер чытаюць
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»29
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»
DDoS-атака ідзе на сайты адразу некалькіх беларускіх СМІ. Магчыма, яна звязаная з шостай гадавінай народнага ўздыму 2020‑га і канферэнцыяй «Новая Беларусь», што адкрылася сёння66
Каментары