Hrodzienskaha śviatara aštrafavali za padpisku na instahram ziemlaka i zabrali telefon
Siońnia ŭ Hrodnie prajšoŭ sud nad pravasłaŭnym śviatarom Andrejem Nozdrynym. Jaho abvinavacili pa art.19.11. KaAP (raspaŭsiudžvańnie ekstremisckich materyjałaŭ), piša «Chryścijanskaja vizija».
Śviatara zatrymali niekatory čas tamu, pravieryli jaho telefon i sacsietki i znajšli ŭ instahramie padpisku na haradzienskaha žurnalista Rusłana Kuleviča, sacsietki jakoha byli pryznanyja ekstremisckimi materyjałami ŭ studzieni 2023 hoda.
Byŭ składzieny pratakoł.
U vyniku sudździa Alena Toŭścik-Samojła vyrašyła pakarać śviatara štrafam 15 bazavych vieličyń (555 rubloŭ).
Taksama była kanfiskavana «pryłada złačynstva» — mabilny telefon.
Kamientary