Navalny admoviŭsia vychodzić z kamiery, jaho paciahnuli da śledčaha
Asudžany na 19 hadoŭ palityk u paniadziełak nie ŭdzielničaŭ praź videasuviaź z kałonii ŭ pasiadžeńni suda ŭ Kaŭrovie.
«Zvyčajna Alaksiej udzielničaje ŭ kaŭroŭskich sudach pa videasuviazi, ale siońnia jaho tam nie było. Pryčyn my nie viedajem. Pasiadžeńnie adkładziena», — paviedamiła jaho pres-sakratar Kira Jarmyš.
Paplečnik palityka Ivan Ždanaŭ udakładniŭ, što ŭ Navalnaha adbyŭsia kanflikt z administracyjaj kałonii №6 va Uładzimirskaj vobłaści.
«U Alaksieja Navalnaha zabrali ŭsie piśmovyja pryłady. Z-za hetaha jon admoviŭsia vychodzić z kamiery na sud i na śledčyja dziejańni», — napisaŭ Ždanaŭ u telehram-kanale.
«U kamieru ŭvajšli siłaviki ŭ kaskach i, užyvajučy siłu, paciahnuli jaho da śledčaha», — dadaŭ jon.
Na minułym tydni troje advakataŭ Navalnaha byli ŭziatyja pad vartu pavodle «ekstremisckaj» spravy. Paplečniki palityka ličać, što takim čynam jaho chočuć izalavać ad źniešniaha śvietu.
Alaksieja Navalnaha zatrymali 17 studzienia 2021 hoda, kali jon viartaŭsia ź lačeńnia ŭ Niamieččynie ŭ Maskvu. Ahułam jaho asudzili na 19 hadoŭ źniavoleńnia.
Murataŭ i Rojzman — tak; Vieniedyktaŭ, Ziuhanaŭ, Sabčak, Jaŭlinski — nie. Navalny adkazaŭ na pytańnie pra adzinaha kandydata ad apazicyi
U Rasii pryjšli ź pieratrusami da troch advakataŭ Navalnaha
Navalny, Jašyn i Kara-Murza zaklikali admovicca ad ježy 30 kastryčnika ŭ padtrymku rasijskich palitviaźniaŭ
Kamientary