U niekatorych kramach Minska stali stavić fandamaty — śpiecyjalnyja aŭtamaty dla pryjomu tary
Kali pryłady zapracujuć, pakul nieviadoma. Pakul taramaty abhornutyja plonkaj.
Čytač Tochka.by dasłaŭ u redakcyju fatahrafii, jak u adnym z handlovych centraŭ stalicy raźmiaścili takija tarapryjomniki. Jany pakul nie pracujuć i abhornutyja plonkaj.
«Ubačyŭ heta ŭ HC «Karavan» na Kamiennaj Horcy, tam krama «Susiedzi», — paviedamiŭ jon.
Miarkujučy sa zdymkaŭ, heta fandamaty, jakija prymajuć płastykavyja butelki i blašanki dla druhasnaj pierapracoŭki.
Na ich naniesienyja słohany «zdaj butelku abo blašanku — atrymaj ekabonusy».
Kali zapracujuć fandamaty ŭ Minsku
Kali pryłady zapracujuć, pakul nieviadoma. Na infalinii handlovaj sietki «Susiedzi» padrabiaznaściaŭ nie paviedamili.
«U nas niama infarmacyi na hety kont», — adkazali tam.
Jak buduć pracavać fandamaty
Pakul da kanca niezrazumieła, pa jakim pryncypie buduć pracavać pryłady ŭ «Susiedziach».
Naohuł, fandamat moža abmieńvać zvarotnuju taru ŭ nasielnictva na nievialikaje hrašovaje ŭznaharodžańnie albo bały abo čeki, jakija možna vykarystoŭvać u kramie.
Za dzień adzin standartny fandamat zdolny pryniać da 600 adzinak tary.
Z 2011 hoda ŭ Biełarusi pieryjadyčna ŭzdymałasia pytańnie ab uviadzieńni depazitna-zakładnoj sistemy (DZS).
Mierkavałasia, što DZS tary ŭstupić u siłu da kanca 2021 hoda. Ale, pavodle pastanovy Saŭmina № 759 ad 24 śniežnia 2021-ha, Ukaranieńnie sistemy adkładzienaje da kanca 2024 hoda.
DZS — heta sistema, pry jakoj spažyviec płacić za ŭpakoŭku sumu zakładu pry kupli vady ci napojaŭ u adnarazovaj tary, a pry zdačy pustoj upakoŭki jamu zakład viartajecca (jak u krainach Jeŭropy).
Pamier depazitu spačatku płanavaŭsia ŭ pamiery 20 kapiejek za adzinku ŭpakoŭki. Heta tyčyłasia płastykavych butelek, plašak i blašanak abjomam nie bolšym za 3 ł.
Sumu zakładu płanavali ŭklučać u canu tavaru i asobna pakazvać u ceńnikach.
Dla zboru ŭpakoŭki zvyčajna vykarystoŭvajucca taramaty. Ich kolkaść u Biełarusi chacieli pavialičyć da 3000.
Kab viarnuć zakład, spažyviec pavinien padnieści pustuju butelku ci blašanku da skaniera taramata. Jon vyznačyć štrych-kod, vahu i formu ŭpakoŭki, a zatym vydaść ček. Kvitok možna adrazu pakazać na kasie abo vykarystoŭvać u zalik koštu pakupki.
Taksama razhladałasia mahčymaść achviaravać hetyja hrošy na dabračynnaść abo pieravieści ich na telefon.
Polšča pryznała Alaksandra Mašenskaha niepažadanaj asobaj27
Kamientary