Samaje strohaje pakarańnie ŭ historyi futboła. Z kłuba jeŭrapiejskaj premjer-lihi zdymuć 141 bał
Kiraŭnictva valijskaha kłuba «Pantypryd Junajted» dakładna stracić son paśla vyniesienaha ŭ paniadziełak rašeńnia miascovaj fiederacyi futboła. Z kłuba budzie źniaty 141 bał, piša football.by.
Pa vynikach siezona — 2021/22 «Pantypryd Junajted» vyjšaŭ u vyšejšy dyvizijon Uelsa (Cymru premier). Adnak užo ŭ hetym siezonie «drakony» mohuć vylecieć ź jaho z treskam.
U paniadziełak Futbolnaja asacyjacyja Uelsa (FAU) apublikavała zajavu, u jakoj abviaściła pra zaviaršeńnie rasśledavańnia ŭ dačynieńni da kamandy. Jano było inicyjavanaje z-za šmatlikich skarhaŭ futbalistaŭ na parušeńni ŭmoŭ ich kantraktaŭ.
Niezaležnaja kamisija paćvierdziła ŭsie 18 abvinavačvańniaŭ suprać «Pantypryd Junajted», uklučajučy niavypłatu hulcam hrošaj i niazdolnaść zarehistravać ich u sistemie Lihi, što pryviało da taho, što nieaŭtaryzavanyja hulcy vychodzili na pole matč za matčam.
U vyniku FAU pryniała rašeńnie źniać z kłuba 141 bał. Praŭda, takoje pakarańnie ŭstupić u siłu pry ŭmovie, kali niezarehistravany hulec znoŭ źjavicca ŭ kamandzie z publikacyi rašeńnia i da zakančeńnia siezona 2024/25. A prosta ciapier z «Pantypryd Junajted» źniali 6 bałaŭ.
Adnak, va ŭładalnikaŭ i kiraŭnictva kłuba, chutčej za ŭsio, nie budzie inšaha vybaru, akramia jak panieści poŭnaje pakarańnie.
Bolšaść futbalistaŭ «drakonaŭ» pa-raniejšamu nie majuć prava hulać z-za surjoznych finansavych prablem kłuba.
Ciapierašniaha «minusa» ŭ šeść bałaŭ usio ž chapiła, kab adkinuć «Pantypryd Junajted» na apošni, 12-y radok turnirnaj tablicy Premjer-lihi Uelsa. Da hetaha kamanda zajmała 11 miesca.
U rejtynhu futbolnych čempijanataŭ Jeŭropy premjer-liha Uelsa zajmaje 52-i radok z 55 krain. Horšyja spravy tolki ŭ čempijanataŭ Čarnahoryi, Hibrałtara, San-Maryna.
Ciapier čytajuć
Babaryka paśla sustrečy z Pratasievičam trapiŭ u ŠIZA4
Kamientary