U Charkaŭskaj vobłaści biełaruski dobraachvotnik streliŭ u pabracima
Nadzvyčajnaje zdareńnie adbyłosia 4 śniežnia ŭ Kupianskim rajonie, jaki zastajecca adnym z najbolš składanych kirunkaŭ bajavych dziejańniaŭ.
Va Ukrainie rasśledujuć kryminalnuju spravu, jakuju zaviali pa fakcie ranieńnia vajskoŭcam Uzbrojenych sił Ukrainy, hramadzianinam Biełarusi, svajho ŭkrainskaha kalehi.
Jak stała viadoma «Radyjo Svaboda», nadzvyčajnaje zdareńnie adbyłosia 4 śniežnia ŭ Kupianskim rajonie Charkaŭskaj vobłaści.
4 śniežnia prykładna a 8-j hadzinie viečara ŭ časovaj dysłakacyi adnoj z vajskovych častak Uzbrojenych sił Ukrainy biełarus, jaki słužyć strałkom, streliŭ z aŭtamata Kałašnikava, trapiŭšy ŭ žyvot inšaha vajskoŭca. Hramadzianstva paciarpiełaha nie ŭdakładniajuć.
Spravu rasśleduje ŭpraŭleńnie Dziaržaŭnaha biuro rasśledavańniaŭ u Charkaŭskaj vobłaści.
Viadoma, što vajskoviec atrymaŭ skraznoje ranieńnie ŭ žyvot. Na miesca zdareńnia ŭ toj ža dzień nakiravali vykanaŭcu abaviazkaŭ śledčaha Kupianskaha rajonnaha adździaleńnia palicyi, jaki ahledzieŭ miesca zdareńnia i sabraŭ usie nieabchodnyja rečavyja dokazy. Paciarpiełaha evakuavali ź miesca zdareńnia dla akazańnia miedyčnaj dapamohi. Jahony stan nieviadomy.
Zdareńnie pakul rasśledujuć pavodle č. 1 artykułu 414 Kryminalnaha kodeksu Ukrainy — parušeńnie praviłaŭ abychodžańnia sa zbrojaj, jakoje pryviało da cialesnych paškodžańniaŭ paciarpiełaha abo stvaryła niebiaśpieku dla navakolla.
Ciapier čytajuć
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda1
«Vajna ŭsio śpiša». Biełaruskim udzielnikam hiej-prajda ŭ Vilni pahražali raspravaj ad imia biełaruskich vajaroŭ za vykarystańnie bieła-čyrvona-biełaha ściaha219219
Kamientary