Lehienda futboła zajaviŭ pra žadańnie pryjechać u Biełaruś, chacia pra jaje amal ničoha nie viedaje
Adzin z najlepšych futbalistaŭ u historyi, eks-hulec «Sportynha», «Barsiełony», «Reała» i «Intera», uładalnik «Załatoha miača» i ambasadar bukmiekierskaj kampanii Betera Łuiš Fihu adkazaŭ na pytańni zaŭziataraŭ, što jon viedaje pra Biełaruś, piša betnews.by.
— Sapraŭdy, ja šmat jezdžu pa śviecie, ale jašče ni razu nie byŭ u Biełarusi. Spadziajusia, adnojčy źjavicca šaniec paznajomicca z krainaj. Mnie viadoma pra jaje nie tak šmat, ale chaciełasia b jak-niebudź pryjechać, kab lepš daviedacca pra kulturu i ludziej. Budu čakać takoj mahčymaści.
Fihu padpisany ŭ instahramie na Arynu Sabalenka, jakuju jon ličyć adnoj z najlepšych tenisistak śvietu.
— Biełaruskija kłuby niekalki razoŭ sustrakalisia z partuhalskimi ŭ jeŭrakubkach. Barysaŭski BATE hulaŭ z «Bienfikaj», «Portu» i «Marycimu», minskaje «Dynama» — sa «Sportynham» i «Naśjanałam». Ci pamiatajecie niejkija z hetych matčaŭ?
— Kankretnyja hulni nie zastalisia ŭ pamiaci, ale biełaruskija kłuby mnie znajomyja. U vas dobryja kamandy. Viadoma, u pieršuju čarhu ja zaŭsiody saču za pradstaŭnikami Partuhalii. Ale mahčymaść vystupić u jeŭrakubkach — heta zaŭsiody pryvilej, jaki pryciahvaje da vas šmat uvahi ŭ futbolnaj industryi.
Ciapier čytajuć
Staruju kamianicu kala ratušy ŭ Mahilovie rychtavali dla haradskoha muzieja. Ciapier tam robiać ofis rasijskaha pasolstva na čale z byłym ministram «ŁNR»1313
Kamientary