Sioleta nieabchodna praciahnuć rabotu pa ŭmacavańni nacyjanalnaj biaśpieki, zajaviŭ prezident krainy Edhar Rynkievič u intervju prahramie «Ranišniaja panarama», piša Delfi.lv.
Adnym z pryjarytetaŭ Rynkievič nazvaŭ umacavańnie ŭschodniaj miažy nie tolki ź Biełaruśsiu, ale i z Rasijaj.
Pa słovach prezidenta, uschodniaja miaža taksama pavinna być umacavana z hledzišča vajennaj infrastruktury, pakolki płot sam pa sabie nie abaronić ad surjoznaj vajennaj niebiaśpieki. «Płot pryznačany dla praduchileńnia hibrydnaj pahrozy», — ukazaŭ Rynkievič.
Jon dadaŭ, što sioleta nieabchodna pracavać nad ukaranieńniem sistemy hramadzianskaj abarony.
Rynkievič taksama źviarnuŭ uvahu na pieršačarhovuju važnaść pavieličeńnia finansavańnia sistemy ŭnutranych spraŭ.
Havoračy ab płanach na hety hod, prezident nie vyklučyŭ, što vyłučyć jakija-niebudź zakanadaŭčyja inicyjatyvy, adnak pakul nie staŭ raskryvać, jakija mienavita.
«Ja mahu tolki skazać, što budu dziejničać u ramkach troch pryjarytetaŭ, jakija ja adnojčy paznačyŭ u svaim vystupie ŭ Siejmie ŭ dzień inaŭhuracyi pry ŭstupleńni na pasadu — biaśpieka, adukacyja i kankurentazdolnaść», — rastłumačyŭ Rynkievič.
Ciapier čytajuć
Viaskoviec z-pad Babrujska imitavaŭ svaju śmierć, kab nie płacić pazyki, a paśla zahinuŭ na vajnie za Rasiju2
Viaskoviec z-pad Babrujska imitavaŭ svaju śmierć, kab nie płacić pazyki, a paśla zahinuŭ na vajnie za Rasiju
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru1717
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru17
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Kamientary