U Homieli za palityku paciarpieŭ jašče adzin praŭładny prafsajuźnik
Vydańniu «Fłahštok» stała viadoma pra palityčnyja represii ŭ dačynieńni da staršyni praŭładnaha prafsajuza «Biełprafmaš» Alaksandra Bałoški. Jon atrymaŭ 10 dzion administracyjnaha aryštu.
Sakratarka prafsajuza na zadadzienaje joj pytańnie adkazała, što Alaksandr Bałoška ŭ ich bolš nie pracuje, toje ž, što ŭžo były kiraŭnik vyjšaŭ na volu, paćvierdziła.
Fotazdymak Bałoški z sajta abłasnoha abjadnańnia prafsajuzaŭ byŭ vydaleny jašče ŭ śniežni.
U bazie źviestak «Viasny» ŭdałosia znajści adznaku pra sud nad funkcyjanieram: pakarańnie Alaksandru Bałošku aformiŭ Jarasłaŭ Paremski 29 listapada ŭ sudzie Čyhunačnaha rajona pavodle artykuła 19.11 KaAP («raspaŭsiud, vyrab, zachoŭvańnie, pieravozka infarmacyjnaj pradukcyi, jakaja źmiaščaje zakliki da ekstremisckaj dziejnaści abo prapahanduje takuju dziejnaść»).
Alaksandr Bałoška pačaŭ pracavać na zavodzie stanočnych vuzłoŭ u 1985 hodzie ślesaram, da 2005 hoda staŭ staršym majstram elektrasiłavoha ŭčastka. Paśla čaho pierajšoŭ da prafsajuznaj dziejnaści: z 2005 da 2020 źjaŭlaŭsia kiraŭnikom pieršasnaj prafsajuznaj arhanizacyi AAT «Homielski zavod stanočnych vuzłoŭ».
Jak minimum dvojčy Bałoška ŭdzielničaŭ u arhanizacyi vybarčych kampanij u roli staršyni ŭčastkovaj vybarčaj kamisii № 2 Homielskaj Sielmašaŭskaj vybarčaj akruhi № 32: u 2016 i 2019 hadach. U pačatku 2020 hoda adnahałosnym hałasavańniem Bałoška byŭ pryznačany na pasadu staršyni abłasnoj arhanizacyi «Biełprafmaš».
Raniej stała viadoma, što z Homielskaha abłasnoha abjadnańnia prafsajuzaŭ «za ekstremizm» zvolnili paśla zatrymańnia staršyniu bankaŭskaha prafsajuza Taćcianu Chackovu. Heta zdaryłasia paśla taho, jak jaje asudzili na 15 sutak aryštu.
Ciapier čytajuć
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim12
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim
Babaryka i Kaleśnikava pahavaryli ź Inhaj Ruhinienie i zaklikali Litvu «dałučycca da dypłamatyčnych namahańniaŭ ZŠA» i «nie prapuścić akno mahčymaściej»3333
Kamientary