Ukraincy padarvali rasijskuju padvodnuju łodku ŭ porcie Novarasijska
Słužba biaśpieki Ukrainy praviała čarhovuju niestandartnuju śpiecapieracyju i naniesła ŭdar pa rasijskich siłach u porcie Novarasijska. Upieršyniu ŭ historyi ŭkrainskija padvodnyja drony Sub Sea Baby padarvali padvodnuju łodku RF prajekta 636.3 «Varšavianka» (pavodle kłasifikacyi NATA — Kilo).
U vyniku vybuchu submaryna atrymała krytyčnyja paškodžańni i faktyčna vyjšła z ładu.
Na borcie łodki znachodzilisia čatyry puskavyja ŭstanoŭki kryłatych rakiet «Kalibr», jakija Rasija vykarystoŭvaje dla ŭdaraŭ pa terytoryi Ukrainy.
Apieracyja była praviedzienaja sumiesna 13‑m Hałoŭnym upraŭleńniem vajskovaj kontrraźviedki SBU i Vajskova-marskimi siłami Ukrainy.
Košt padvodnaj łodki typu «Varšavianka» aceńvajecca prykładna na 400 miljonaŭ dalaraŭ ZŠA. Z ulikam mižnarodnych sankcyj budaŭnictva anałahičnaj submaryny ciapier moža abyścisia ŭžo da 500 miljonaŭ dalaraŭ. Hety kłas łodak taksama viadomy pad nazvaj «Čornaja dzirka» — praz zdolnaść korpusa pahłynać huki i zastavacca małaprykmietnym dla sanaraŭ.
Padkreślivajecca, što padarvanaja łodka była vymušanaja znachodzicca ŭ porcie Navarasijska paśla paśpiachovych apieracyj ukrainskich nadvodnych marskich dronaŭ Sea Baby, jakija prymusili rasijskija karabli i submaryny pakinuć Sievastopalskuju buchtu ŭ časova akupavanym Krymie.
Rasija ŭdaryła pa tureckim sudnie ŭ porcie ŭkrainskaha Čarnamorska
Ukrainskija marskija drony padbili ŭ Čornym mory čarhovy tankier rasijskaha «cieniavoha fłotu» VIDEA
Ukrainskaja apieracyja «Pavucińnie» mahła sarvacca ŭ apošni momant — pilny dalnabojščyk znajšoŭ bieśpiłotniki ŭ korpusie
Tankier «Kajras», atakavany dronami USU, sieŭ na miel la ŭźbiarežža Bałharyi
Ukraina atakavała NPZ u Syzrani i marski port u Krasnadarskim krai
Ciapier čytajuć
U Varšavu pryjechała sotnia biełaruskich palitviaźniaŭ16
Kamientary