Z 15 śniežnia 2025 hoda ŭ Biełarusi aficyjna pačaŭ pracavać finansavy markietpłejs «Finmarkiet». Pra zapusk płatformy paviedamiła BiełTA.
Na hetym etapie na markietpłejsie možna nabyvać akcyi i ablihacyi, jakija prajšli listynh na Biełaruskaj valutna-fondavaj biržy. Druhasny rynak pakul nie praduhledžany, bo ŭ 2025 hodzie realizujecca tolki pieršaja stadyja zapusku prajekta.
Na biržy padkreślili, što heta zroblena dziela abarony inviestaraŭ: da prodažu dapuskajucca vyklučna kaštoŭnyja papiery z aficyjnych kacirovačnych śpisaŭ. Instrumienty, jakija nie raskryvajuć spravazdačnaść abo nie prajšli analiz, traplajuć u asobny «treci» śpis — i na markietpłejsie jany niedastupnyja.
Skarystacca «Finmarkietam» možna praz sajt Biełaruskaj valutna-fondavaj biržy abo niepasredna praź internet-braŭzier. Jak adznačyŭ pieršy namieśnik staršyni praŭleńnia Nacbanka Alaksandr Jahoraŭ, płatforma dazvalaje hramadzianam dystancyjna i biez naviedvańnia finansavych ustanoŭ inviestavać u akcyi i ablihacyi jak dziaržaŭnych, tak i karparatyŭnych emitentaŭ.
Nastupny etap raźvićcia zapłanavany na 2026 hod. Tady da markietpłejsa płanujuć padklučyć banki i strachavyja kampanii, što pieratvoryć «Finmarkiet» u paŭnavartasny finansavy supiermarkiet. Karystalnikam stanuć dastupnyja depazity, spažyvieckija kredyty sa zrazumiełymi ŭmovami, apłatnyja kartki i bazavyja strachavyja pradukty — u tym liku strachavańnie aŭtahramadzianskaj adkaznaści, zdaroŭja i majomaści.
Pavodle słoŭ Jahorava, prajekt źjaŭlajecca častkaj stratehii Nacbanka ŭ pašyreńni dostupu nasielnictva da finansavych pasłuh, padvyšeńni prazrystaści rynku i stymulavańni doŭhaterminovych inviestycyj. Adkryćcio «Finmarkieta» taksama pavinna spryjać raźvićciu fintech-kirunku ŭ krainie i faktyčna robić biržu sučasnaj fintech-arhanizacyjaj.
«Sumny horad, pra jaki pryniata dobra kazać». Rasijanka raskrytykavała Minsk — biełarusy joj iranična padziakavali26
«Sumny horad, pra jaki pryniata dobra kazać». Rasijanka raskrytykavała Minsk — biełarusy joj iranična padziakavali
Palitviazień Kim Samusienka paraŭnaŭ śviet na momanty jaho pasadki i vyzvaleńnia: Usio niadrenna dla jeŭrapiejskaj cyvilizacyi, a značyć, i dla biełarusaŭ2222
Palitviazień Kim Samusienka paraŭnaŭ śviet na momanty jaho pasadki i vyzvaleńnia: Usio niadrenna dla jeŭrapiejskaj cyvilizacyi, a značyć, i dla biełarusaŭ22
U dzień pačatku Pieciarburhskaha ekanamičnaha forumu USU nanieśli dziasiatak udaraŭ pa naftavym terminale ŭ porcie horada i bazie Bałtfłotu ŭ Kranštacie4141
Kamientary
2.A biez harantyj pryvatnaj ułasnaści - heta prosta padman