Pra śmierć žurnalista i piśmieńnika Uładzimira Chilkieviča paviedamiła ŭ sacsietkach jahonaja dačka Vieranika Chilkievič, piša «Radyjo Svaboda». Jamu było 79 hadoŭ.
«Tata pajšoŭ… Siońnia… Vielmi baluča, i rozum admaŭlajecca vieryć… Ranicaj, jak zaŭsiody, zyčyŭ mnie dobraha dnia… Siabry, raźvitańnie adbudziecca 17 śniežnia z 13.00 da 13.45, zała № 2 na Alšeŭskaha, 12», — napisała Vieranika Chilkievič.
Uładzimir Chilkievič naradziŭsia ŭ 1946 hodzie ŭ vioscy Biarozaŭka na Słuččynie. Skončyŭ fakultet žurnalistyki BDU. Prazaik i publicyst. Pracavaŭ u haziecie «Źviazda».
Aŭtar ramanaŭ «Kamielija», «Vadzianyja masty», «Rahanosiec».
U 2018 hodzie ŭ minskim vydaviectvie «Čatyry čverci» vyjšła kniha Uładzimira Chilkieviča «Zadieržaťsia u vorot raja». Heta mastackaja kniha, jakaja ŭvabrała roznyja značnyja padziei, praź jakija prajšła Biełaruś. U tym liku heta stalinskija represii, isnavańnie i rasstreł Słuckaha hieta, sproby emihrantaŭ ź Biełarusi źviazacca z rodnymi, jakija zastalisia na radzimie, i mnohija inšyja matyvy.
Kamientary
Skrynšotcie, uzhadvać budziem praz 25 hod.