Vydańniu «Fłahštok» stała viadoma pra zatrymańnie dyrektara AAT «Homielabłbudprajekt» i pa sumiaščalnictvie staršyni homielskaha adździaleńnia Respublikanskaj partyi pracy i spraviadlivaści Viktara Burakova. Zatrymańnie adbyłosia ŭ kancy listapada, paśla čaho jon byŭ zvolnieny z usich pasad.
Pra zatrymańnie Burakova na pravach ananimnaści paviedamiła krynica «Fłahštoka»:
dyrektara Instytuta «Homielabłbudprajekt» zabrali siłaviki z pracoŭnaha miesca, pryčynaj stali łajki ŭ sacsietkach. DziaržSMI pra zatrymańnie kiraŭnika ničoha nie paviedamlali.
U pryjomnaj «Homielabłbudprajekta» sakratarka paćvierdziła prablemy z kiraŭnictvam: «Viktar Vasiljevič bolš nie pracuje. U nas inšy dyrektar, Jacko Uładzimir Piatrovič, [užo] miesiac. Ničoha nie zdaryłasia, inšy dyrektar».
Na sajcie abłasnoj arhanizacyi Respublikanskaj partyi pracy i spraviadlivaści Burakoŭ taksama prybrany ź liku kiraŭnikoŭ. Zamieny jamu pakul nie znajšłosia.
Viktar Burakoŭ raniej pracavaŭ na Homsielmašy i Vietkaŭskaj bavoŭnapradzilnaj fabrycy (ciapier likvidavanaja). U 2005 staŭ namieśnikam staršyni Vietkaŭskaha rajvykankama, praz 2 hady ŭznačaliŭ jaho. U 2010 hodzie pra jaho pisali jak pra hienieralnaha dyrektara «Homielabłbudkompleksu». U 2014 uznačaliŭ AAT «Homielabłbudprajekt».
U mai 2023 hoda Burakoŭ byŭ abrany staršynioj abłasnoj arhanizacyi praŭładnaj Respublikanskaj partyi pracy i spraviadlivaści.
Kamientary