Z 2026 hoda ŭ Biełarusi istotna padaražeje šerah aŭto papularnych kitajskich marak
Kvoty na biaspošlinny ŭvoz elektramabilaŭ viarnuli i navat pavialičyli, ale mnohija papularnyja «elektryčki», naadvarot, padaražejuć.
Kvota vyrasła, ale jość niuans
Sioleta biełarusy (fizičnyja i jurydyčnyja asoby) mahli ŭvozić elektramabili biez apłaty myta tolki da 1 kastryčnika, pakolki 15‑tysiačnuju kvotu, praduhledžanuju dla Biełarusi na ŭvieś 2025 hod, vyčarpali za 9 miesiacaŭ.
Dniami na pasiadžeńni Jeŭrazijskaha mižuradavaha savieta kiraŭnikoŭ uradaŭ krain JEAES byli ŭzhodnienyja novyja pamiery kvot na biaspošlinny ŭvoz elektramabilaŭ u Armieniju, Biełaruś i Kyrhyzstan.
Dla Biełarusi hetaja ličba vyrasła z 15 tysiač sioleta da 20 tysiač na 2026 hod.
Ale ŭ vypadku z našaj krainaj jość vielmi važnaja akaličnaść — u hetyja 20 tysiač uvachodziać tolki čystyja elektramabili, a nie elektramabili i paśladoŭnyja hibrydy (EREV), jak heta było raniej
Što heta aznačaje na praktycy?
Z novaha hoda treba budzie płacić 15‑pracentnuju pošlinu pry ŭvozie paśladoŭnych hibrydaŭ (EREV), jakija karystajucca davoli vialikaj papularnaściu. Siarod ich Voyah Free, Li 7, Li 9 i šerah inšych marak i madelaŭ kitajskaj vytvorčaści, jakija ŭ ruch pryvodziacca elektraruchavikom, ale pry hetym majuć bienzinavy ruchavik abjomam 1,5 litra, jaki pracuje jak hienieratar dla zaradki batarei.
Aproč hetaha, paśladoŭnyja hibrydy, u adroźnieńnie ad elektramabilaŭ va ŭzroście da 5 hadoŭ, z 1 studzienia 2026 hoda pry ŭvozie ŭ Biełaruś buduć abkładacca 21% padatkam na dabaŭlenuju vartaść, što razam z 15% mytam vielmi istotna paŭpłyvaje na ich košt.
Vierahodna, što praz hetyja akaličnaści popyt na ich źmienšycca i pakupniki buduć addavać pieravahu čystym «elektryčkam» ci, naadvarot, mašynam sa zvyčajnym bienzinavym abo dyzielnym ruchavikom.
Zvyčajnyja hibrydy, jak i płahin-hibrydy, dzie ruchavik unutranaha zharańnia pryvodzić koły ŭ ruch, jak i raniej, razmytnivajucca pa tych ža taryfach, što i aŭto z RUZ.
Admietna, što niadaŭna daśledavańnie pakazała, što hibrydnyja aŭto zabrudžvajuć navakolnaje asiarodździe amal hetak ža, jak bienzinavyja.
Ciapier čytajuć
Biełaruska adnačasova mieła dva hramadzianstvy — ale daviedałasia pra heta tolki ŭ 21 hod. Jak tak vyjšła?8
Biełaruska adnačasova mieła dva hramadzianstvy — ale daviedałasia pra heta tolki ŭ 21 hod. Jak tak vyjšła?
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna2222
Kamientary
rodiłsia na śviet kak vriemiennoje riešienije kohda batariejki byli słabieńkije i dorohije.