Uładalnicaj pieršaj žanočaj palaŭničaj premii stała žonka Ihara Šunieviča
Pieršaj uładalnicaj nahrudnaha znaka «Vialikaja piaciorka» stała Taćciana Šunievič. Jaje trafiejami stali piać źviaroŭ, paviedamlaje aficyjny sajt Biełaruskaha tavarystva palaŭničych i rybałovaŭ, što ŭznačalvaje eks-ministr unutranych spraŭ Ihar Šunievič.
U 2023 hodzie Biełaruskaje tavarystva palaŭničych i rybałovaŭ zasnavała dva nahrudnyja znaki dla najbolš paśpiachovych palaŭničych. Žanočy maje nazvu «Vialikaja piaciorka». Jaho ŭručajuć tym, kamu ŭdałosia zdabyć łasia, alenia, kazulu, kabana i hłušca nie nižej za ŭzrovień załatoha miedala CIC — najvyšejšaj acenki trafieja pavodle mižnarodnych standartaŭ.
Pieršaj uładalnicaj «piaciorki» stała Taćciana Šunievič, jakaja paluje ŭžo 15 hadoŭ. Jana žonka Ihara Šunieviča, byłoha ministra ŭnutranych spraŭ. Taćciana adznačyła, što z-za kankurencyi vyrašyła spravicca z zadačaj za adzin hod — i joj heta ŭdałosia.
«Kali b ja, nie śpiašajučysia, raściahnuła b hetu spravu na piać hadoŭ, naŭrad ci atrymałasia b stać pieršaj», — skazała palaŭničaja.
Pieršym Taćciana zdabyła dzika. Zatym u śpisie byli hłušec, kazula, aleń i łoś. Žančyna raspaviała, što spravicca z pastaŭlenaj zadačaj było nadzvyčaj składana: palavańnie zabirała šmat sił i času.
«Heta nievierahodnyja ciažkaści i pazbaŭleńni, heta siamja, jakuju ja amal zakinuła na hety hod, heta rodnyja, jakija pastajanna na niervach i nie zaŭsiody mohuć znajści ciabie navat pa telefonie, heta dzicia, jakoje bačyć maci tolki zredku. Dy i ŭ materyjalnym płanie heta vielmi adčuvalny cisk na siamiejny biudžet», — adznačyła žonka eks-ministra, a ciapier jakraz kiraŭnika Biełaruskaha tavarystva palaŭničych i rybałovaŭ.
«A 4‑j hadzinie nočy my zrazumieli, što sierviery prosta vyčyščanyja». Jarasłaŭ Ivaniuk raskazaŭ padrabiaznaści pra ataku na anłajn-biblijateku «Kamunikat»99
Kamientary