U studzieni paśla adbyćcia terminu vyjšli na volu 35 palitviaźniaŭ
Pavodle źviestak pravaabarončaha centra «Viasna», u studzieni na volu vyjšli jak minimum 35 čałaviek, jakija całkam adbyli svaje terminy. Dvoje ź ich praviali za kratami bolš za try hady. Jašče dźvie žančyny byli asudžanyja da «chatniaj chimii» i vyzvalenyja ź SIZA.
Na hety momant u Biełarusi naličvajecca 1416 aficyjna pryznanych palitviaźniaŭ, ich kolkaść pavialičvajecca amal štotydniova.
Adnačasova kožny miesiac niekalki dziasiatkaŭ palitviaźniaŭ vychodziać ź miescaŭ źniavoleńnia abo pa zakančeńni terminu, abo paśla suda da nakiravańnia ŭ papraŭčuju ŭstanovu adkrytaha typu (na «chimiju») ci pačatku adbyćcia terminu na «chatniaj chimii».
Pry hetym kolkaść palitviaźniaŭ, jakija vyjšli na volu pa adbyćci terminu, moža być bolšaj praz adsutnaść u pravaabaroncaŭ dakładnych źviestak pra ich vyzvaleńnie. Raniej paviedamlałasia, što ŭ studzieni vyjšli na volu, u pryvatnaści, palitviaźni Zinaida Michniuk, Alaksandr Babič, Andrej Bialaŭski, Alaksandr Łučynovič, Arciom Takarčuk.
U studzieni łukašenkaŭskija sudy ŭ absalutnaj bolšaści pryznačali palitviaźniam pazbaŭleńnie voli. Tolki dźvie palitźniavolenyja žančyny ŭ minułym miesiacy vyjšli na volu ź SIZA paśla suda — Ksienii Ryžyk i Hańnie Čarkas pryznačyli ŭ jakaści pakarańnia «chatniuju chimiju». Ale i hetyja źviestki mohuć być niapoŭnymi, bo nie ŭsie vyniki sudoŭ nad palitviaźniami pakul viadomyja pravaabaroncam.
Ciapier čytajuć
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim10
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim
Babaryka i Kaleśnikava pahavaryli ź Inhaj Ruhinienie i zaklikali Litvu «dałučycca da dypłamatyčnych namahańniaŭ ZŠA» i «nie prapuścić akno mahčymaściej»3232
Kamientary