Vyjšaŭ na volu babrujski błohier Andrej Bialaŭski. Jamu paviazali iraničnuju stužku vypusknika
22 žniŭnia 2022 hoda tyktok-błohieru prysudzili dva hady kałonii va ŭmovach ahulnaha režymu.
Bialaŭski nibyta raźmiaściŭ u tyktoku dva videaroliki z abrazami ŭ adras Łukašenki (art. 368 KK).
Andreja zatrymali naŭprost na pracy — u jahonaj ułasnaj rovarnaj kramie «Viełasportmajstar».
Razam ź Bialaŭskim zabrali i jaho niepaŭnaletniaha syna. Potym syna adpuścili — addali babuli ź dziadulem. Paśla zatrymańnia HUBAZiK zachapiŭ akaŭnt Bialaŭskaha ŭ tyktoku.
Stała viadoma, što dniami Andrej vyjšaŭ na volu ź viciebskaj kałonii № 3. Videa sa dnia vyzvaleńnia źjaviłasia ŭ tyktoku.
Andreja Bialaŭskaha zatrymali 25 krasavika 2022 hoda, pryčym brutalna. Jon pryjechaŭ u kramu z synam, tolki zajšoŭ u pamiaškańnie, jak zalacieli AMAP i milicyja ŭ cyvilnym. Syn nie paśpieŭ vyjści z mašyny.
U kramie Andreja pavalili na ziamlu, adzin ź siłavikoŭ zdymaŭ zatrymańnie na videa. U Andreja spytali: «Viedaješ, za što?» Jon adkazaŭ: nie. Na što jamu paviedamili: tady daviedaješsia ŭ sudzie. Paśla Andreju zakrucili ruki i paviali ŭ mikraaŭtobus.
Razam ź Bialaŭskim zabrali i jaho niepaŭnaletniaha syna.
«Kali siłaviki daviedalisia, što synu Andreja niama 18, to havaryli z padletkam spakojna. Skazali chłopcu, što nibyta Bialaŭski padrezaŭ kahości na trasie i zdaryłasia «strašnaja avaryja», pačali raspytvać pra baćku», — kazaŭ znajomy Bialaŭskaha ŭ raniejšym intervju.
Paśla syna adpuścili — addali babuli ź dziadulem.
«Andrej razumieŭ, što mohuć pryjści, pytaŭsia ŭ svaich: što jany buduć rabić, kali jaho zatrymajuć? Z adnaho boku, tak žartavaŭ», — zhadvaŭ znajomy ŭ intervju.
Svoj akaŭnt u tyktoku pad nazvaj «U mienia vopros» Bialaŭski pryśviačaŭ navinam i ich kamientavańniu. Rabiŭ heta z humaram, u jaho rolikach fihuravali i Azaronak, i Łukašenka. Vykazvaŭsia suprać vajny.
106 tysiač padpisčykaŭ, 4,6 miljona łajkaŭ — takija byli niebłahija pakazčyki dla biełaruskaha błohiera. A niekatoryja roliki «zalatali» na sotni tysiač prahladaŭ, u samych papularnych videa pa 500-700 tysiač.
Ciapier čytajuć
Namieśnikam kiraŭnika Administracyi prezidenta staŭ ćvierdałoby Muraviejka, a Hienštab uznačaliŭ hienierał, jaki nie vučyŭsia ŭ Rasii19
Namieśnikam kiraŭnika Administracyi prezidenta staŭ ćvierdałoby Muraviejka, a Hienštab uznačaliŭ hienierał, jaki nie vučyŭsia ŭ Rasii
Biełarus-vachtavik na Jamale stvaraje pieśni na biełaruskaj movie z dapamohaj ŠI. «Raniej muzyka była zakrytym kłubam. Niejrasietki adčynili hetyja dźviery z nahi»1515
Kamientary