Staršyniu Moładzievaha parłamienta Jahora Makareviča zvolnili z «Kamvola»
Infarmacyja pra 27-hadovaha namieśnika pa ideałohii źnikła z sajta pradpryjemstva.
Na staličnym pradpryjemstvie «Kamvol» kadravyja źmieny. Vyzvaliłasia miesca namieśnika dyrektara pa ideałohii. Apošnija paŭtara hady pasadu zajmaŭ 27-hadovy Jahor Makarevič — jaki da taho nie pracavaŭ nidzie.
Zvalnieńnie Makareviča supała z pryznačeńniem novaha dyrektara «Kamvola». Na heta miesca pastavili Juliju Hrynčyk, eks-načalnicu ŭpraŭleńnia źniešnieekanamičnych suviaziaŭ «Biellehprama».
Historyja Jahora Makareviča — idealny prykład taho, jak u sučasnaj Biełarusi dabivajucca pośpiechu prafiesijnyja kamsamolcy. Chłopiec jašče z padletkavaha ŭzrostu prymaje ŭdzieł u raznastajnych moładzievych pałatach, schodach i parłamientach na biełaruskim i sajuznym uzroŭni.
Makarevič jeździć pa dziaržaŭnych ustanovach i pradpryjemstvach i pravodzić hadziny infarmavańnia. «Važna, kab maładyja ludzi čerpali infarmacyju z pravieranych krynic, a kali ŭ ich źjaŭlajucca niejkija pytańni, to hetyja pytańni zadavali nie dzieści ŭ studenckich internatach adzin adnamu, a atrymlivali mahčymaść abmierkavać u takim šyrokim kole z pradstaŭnikami ekśpiertnaj supolnaści našaj krainy», — adzinaja jaho cytata, jakuju vychapili dziaržaŭnyja žurnalisty z sustrečy na dniach u BNTU.
Heta taki Mikita Račyłoŭski na minimałkach — bolš intelihientny i adukavany, nie taki ahresiŭny, ale taksama stvaralnik pustych sensaŭ.
Pakul niezrazumieła, ci Makareviču znajšli novuju pasadu — mahčyma, jašče bolš vysokuju, — ci pakinuli ŭ statusie vyjaznoha lektara.
«Skažu bieź lišniaha pafasu: za Łukašenku ja hatovy pamierci». Małady parłamientaryj nazvaŭ siabie elitaj i paabiacaŭ stajać da kanca
«Čamu Kakabaj usio jašče isnuje?» Račyłoŭski napisaŭ publičny danos na papularnaha błohiera Kakabaja
«Pamierci za Łukašenku». Chto taki Mikita Račyłoŭski, novy tvar prapahandy
Ciapier čytajuć
Mihrancki kryzis, arhanizavany Łukašenkam, — usio? Voś što pakazvajuć ličby4
Kamientary