Cichanoŭskaja: Kali b Łukašenka znachodziŭsia ŭ adnym pakoi z žančynami-lidarami, jaho b chapiŭ sardečny prystup
«Naš maralny abaviazak — zmahacca za palitźniavolenych»: Śviatłana Cichanoŭskaja vystupiła z pramovaj na Kanhresie Jeŭrapiejskaj narodnaj partyi
Biełaruskaja lidarka znachodzicca z pracoŭnym vizitam u Rumynii. U sieradu razam z prezidentkaj Jeŭrapiejskaha parłamienta Rabiertaj Mietsołaj jana vystupiła z pramovaj pierad Kanhresam Jeŭrapiejskaj narodnaj partyi. Cichanoŭskaja raspaviała pra žachlivuju situacyju ź biełaruskimi palitviaźniami — i zaklikała rabić usio, kab jana nie sychodziła ź mižnarodnaha paradku dnia.
Jaje pres-słužba adznačyła klučavyja cytaty pramovy.
«Naš maralny abaviazak — zmahacca za palitviaźniaŭ. Jany raźličvajuć na nas. I jany raźličvajuć na vas. My pavinny zrabić ich vyzvaleńnie našym pryjarytetam i abaviazkam. U nas niama kluča ad turmaŭ. Ale jość inšyja instrumienty. Kali režym budzie viedać, što za kožnuju śmierć, za kožnaha čałavieka za kratami jon paniasie adkaznaść, situacyja moža źmianicca».
«Režym robić usio, kab palitviaźni adčuli siabie kinutymi. Jon prymušaje ich svajakoŭ publična asudžać dziaciej, siostraŭ i bratoŭ jak vorahaŭ dziaržavy. My čytali pra heta ŭ knihach pra stalinskija časy, ale nikoli nie vieryli, što takoje mahčyma ŭ 21-m stahodździ».
«Nie pierastanu paŭtarać, jak mocna ja zachaplajusia žančynami-lidarami. Kali b Łukašenka znachodziŭsia ŭ hetym pakoi, u jaho napeŭna zdaryŭsia b sardečny prystup.
U jaho sastarełym śvietapohladzie miesca žančyny — na kuchni, kab varyć boršč, ale nijak nie ŭ palitycy. Łukašenka kaža: «Ja nie vajuju z žančynami». Ale mienavita heta jon i robić».
Čytajcie taksama:
Cichanoŭskaja sustrełasia z premjeram Bałharyi
Cichanoŭskaja zaklikała padtrymać zbor na drony dla biełaruskich dobraachvotnikaŭ
Ciapier čytajuć
Bieśpiłotnik, jaki ŭpaŭ u Minsku, prylacieŭ z boku Barysava — šmatlikija śviedčańni5
Kamientary