Fica paśla vizitu ŭ Maskvu zajaviŭ, što Zialenski pavinien patelefanavać Pucinu
Premjer-ministr Słavakii Robiert Fica zajaviŭ, što pieradaŭ pasłańnie Zialenskaha Pucinu.
Pra heta jon paviedamiŭ u Facebook, piša «Jeŭrapiejskaja praŭda».
«Ja pieradaŭ paviedamleńnie ad prezidenta Ukrainy Uładzimira Zialenskaha prezidentu Rasii. Padčas našaj asabistaj sustrečy ŭ Armienii jon skazaŭ mnie, što hatovy sustrecca z Pucinym u lubym farmacie. Adkaz vidavočny: kali prezident Ukrainy zacikaŭleny ŭ sustrečy, jon pavinien źviazacca sa svaim rasijskim kaleham pa telefonie», — skazaŭ jon.
Asobna Fica stanoŭča acaniŭ ideju praciahu režymu spynieńnia ahniu, zajaviŭšy, što heta moža stvaryć prastoru dla dypłamatyčnych namahańniaŭ i pieramoŭnaha pracesu.
Varta zaŭvažyć, što ŭ asiarodździ kiraŭnika RF kažuć, što Fica ŭ razmovie z Pucinym nie pieradavaŭ jamu nijakich pasłańniaŭ ad prezidenta Ukrainy, choć temu Ukrainy zhadvali.
Fica prybyŭ u Maskvu jašče 8 maja i ŭskłaŭ vianok da mahiły nieviadomaha sałdata kala Kramla. Tady ž jon skazaŭ, što źjaŭlajecca svojeasablivaj «čornaj aviečkaj» u ES.
Pierad vizitam u Bracisłavie paviedamlali, što Robiert Fica maje namier pieradać haspadaru Kramla «pasłańnie» ad ukrainskaha prezidenta Uładzimira Zialenskaha, i što jon moža atrymać ad Pucina «kaštoŭnuju infarmacyju» pra toje, jak toj bačyć namahańni pa spynieńni vajny.
U Ofisie prezidenta Ukrainy z hetaj nahody adznačali, što Zialenski na sustrečy skazaŭ Fica, što Ukraina hatovaja sustrakacca z RF na ŭzroŭni lidaraŭ u źmiastoŭnym farmacie.
Ciapier čytajuć
Stali viadomyja žachlivyja abstaviny śmierci byłoha vučonaha sakratara Instytuta historyi. Jamu było 45 hadoŭ32
Stali viadomyja žachlivyja abstaviny śmierci byłoha vučonaha sakratara Instytuta historyi. Jamu było 45 hadoŭ
Jaje nie chacieli brać u muzyčnuju škołu, a ŭ 14 jana syhrała ŭ Karniehi-chole ŭ Ńju-Jorku. Biełaruskaja skrypačka — pra žyćcio ŭ Łondonie, zarobki i čym skrypka Stradyvary za 14 miljonaŭ jeŭra adroźnivajecca ad zvyčajnaj1414
Kamientary